أكبر مكتبة كلمات الأغاني الخليجية العربية

(( محبة ))


ديو : أنغام - طلال سلامة

كل شي اقدر عليــه
الا بعدك عن حيـاتـي
هوه عمري يسوى ايه
بعدك انتي يا حياتـي
انت تقدر عالمحبه
يحتمل قلبك هـواي
انا حبي شكل ثـاني
اتعبك يمكن معـاي
ما يسليني في غيابك
الا آهاتي وحنيني
ليلي بعدك ماهو ليلي
والحلو مر في سنيني
انت ما جربت ناري
صبرك شويه عليه
اللي شفته في غرامـي
هذا صدقني شويه
لو دريت اشصار فـيّ
في غيابـــك اشجرالي
حالتي صعبت عليه
طالت بهمي الليالي
دون ماتحكي حبيبي
حبي واضح في عينيـك
شايفه بقلبي وعيني
الهوى يا عمري فيـك
يلا نعلنها محبه
لا عذاب ولا خصام
يلا نبدا يا حبيبي
احلى قصه في الغـرام
كل شي اقدر عليـه
الا بعدك عن حياتـي
هوه عمري يسوى ايـه
بعدك انتي يا حياتـي
ما يسليني في غيابك
الا آهاتي وحنيني
ليلي بعدك ماهو ليلي
والحلو مر في سنيني
اللي عايش في غرامـك
يفرح بلحظه معاك
كلمه وحده من كلامك
صار طاير في هــواك

( وجه المرايا )

أسم المطرب : خالد عبدالرحمن

غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها

الذاهـبه


أسم المطرب : خالد عبدالرحمن


الله اللي راد والعقده قضاها اللي عقدها
لاعلى الدنيا سلام ولالباقي العمر زينه
الفضا ماكنه الا خيمة طاحت عمدها
والفرح ماكنه الا شيخ انقصت يدينه
والعمر قطعة زجاج انكسرت ولاطال امدها
والعرب في العيد بدموع اليتامى مستهينه
والشوارع لفها ثوب الظلام اللي هجدها
والبيوت اطلال من عقب المحبه والسكينه
والشتا والليل والبرد وسما يصرخ رعدها
والعيون اللي ورا الشباك مذعوره حزينه
طولوا بالكهف الاصحاب وبقت روحي وحدها
كنها في كوكب ثاني خلا من ساكنينه
الوداع اللي بعلم العين يعبر من رمدها
والوداع اللي بلا علم القفص صدري غبينه
والوداع اللي بلا رجعه علي امر وادها
والله انه غرغرت سم وسكاكين سنينه
والعنود اللي جفيت الناس والدنيا بعدها
مدت الفرقا لغاليها وهي تعطي الثمينه
وينها كيف تركتني ليه ماجت في وعدها
والقمر لا طل وخابرها تجي بيني وبينه
رحت أنادي واتلمس في مهب الريح يدها
كني حصان بلا صاحب طوى البيدا حنينه
رحت أصيح الصبح وينه والعرب مارد احدها
ماسمعت الا صدى صوتي يقول الصبح وينه
كلهم من يوم ذيك الشمس غابت عن بلدها
طلعوني بالنفود وصكوا أبواب المدينه
كلهم من يوم ذيك الذاهبه محد وجدها
كل رجال من الشرهه قلع في الدرب عينه
أثرها ماتت وماتت كل فرحه في مهدها
والربيع أقفت به اللي كانت التاج لجبينه
جاورت عقب الحدايق حفرة ماقسى لحدها
حفرة ماني مصدق كيف ضمت ياسمينه
للحزن فيني مثل ماللطهاره في جسدها
ويش أسوي لافتشت اللي لها وسط الخزينه
زخرفت حلم وبنت له مسكن وسمت ولدها
آه لو غرت ولدها في خميلة والدينه
عاهدتني وقفرت بيمين أقوى من عهدها
والصميلا خير فيه ان كان مانفذ يمينه
ماتثقا عن رثاها عرق اقتض بشهدها
ولا تبقى خلف قضبان الجفن عذرى سجينه
كيف عند العالم أيام العزى ماحصى عددها
ولا انا طالت شبوره والله أعلم كم سنينه
لا الثرى فيها نبات ولا المشيخ أخفف نكدها
لا السما فيها طيور ولا البحر يمه سفينه
لا القمر هذا مساه ولا الأسي هذا أرغدها
لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها
قال لي ابشر بالعوض والعلم جيناه ناقلينه
ساق لك بدر البدور اللي نشدها من نشدها
جادر هزت عروش وخيبت روس ذهينه
قسمها في رسمها في جسمها الا في رشدها
واسمها ان جا للغضب قومه على الألسن رطينه
اترك الناي وعطية شيخنا غنى لسعدها
وانبسط ياعم وانسى اللي ورا التربه دفينه
قلت ولصدري تناهيد تروع من شهدها
آه واويلاه من يجلب على قلبي ظنينه
خلوا أغلى ذاهبه ترعى ربيع اللي فقدها
والعطا راعيه محد صوبه الله لايهينه
لو ضمنت الجنه تفاحة القلب وشهدها
قلت من بكره عسى مجنونها تاقف سنينه

يا مرحبا يا معنى


كلمات : سمو الشيخ محمد بن راشد أل مكتوم
أسم المطرب : محمد عبده

يا مرحبا يا معنى خط الاقلام ))) مثائل شوقتني في معانيها
حيا المثائل يا سلالة نسل الكرام))) يا من بيوته عن الزلات يحميها
من داثر الوقت وهذا طبع الايامي ))) مرات تصفى ومرات الكدر فيها
كم واردا ضاميا صد درب الاحيامي ))) وكم واردا شرب من صافي مغانيها
لا تنظر اللي مضى وتعد الايامي ))) ارعى ربيع الزمان أول لياليها
حلو الليالي تعوض مر الايامي ))) ما يحسب الوقت ويفكر في ماضيها
لو كان ما بي تقساه جفت أقلامي ))) من حرتي أبدع أنفالي واغنيها
ردار فكري يصورلي مضن زامي ))) في هندس الليل يوم أرتاح غافيها
يوم الخلايا تنام وفكرها نامي ))) حرام عيني لذيذ النوم يغفيها
حالي كما عشب صيف صابها الضامي ))) ولا كما وردة جفت نواديها
نار الغضى والتوقد في بحر طامي ))) <خالد> وعيا مولعها يطفيها
ريم رعى في الفياض وزهر الاوسامي ))) قائد خشوف الجوازي في مفاليها
بأرض محيله ولو توطى لها أقدامي ))) تزهى وتضحك لها الدنيا وتحييها
سود الليالي مع سالفات الايامي ))) نأخذ مجازمها ونترك تواليها
نمشي على درب ما تأطأها الاقدامي ))) وإن وعرت الارض يعجبني المشي فيها
يا خوي انا ريت رويان وهو ضامي ))) يا كيف عطشان في جاري سواقيها
ريح ضميرك ولو هيم بك هيامي ))) حقا على اللي جرح نفسك يداويها
يا مفطر الوقت هذا شهر الصيامي ))) وليلة القدر في أخر لياليها
يا زين هد الوحش بعض الايامي ))) في ديرة قفرت عسره مضاويها
أشقر طويل المعنق يبري أعظامي ))) صوايده من فنادي الصيد يدميها
يا شيخ هذا زمان كله أنعامي ))) الذئب جائع وشبعانه حصانيها
لو كان يبغى يغزو نابها الدامي ))) يا كيف تكسر جوارحها طواريها
وكل مخلوق في الدنيا فلا دامي ))) لابد تنهي مغازلها مطاويها
وأخر كلامي بحرف السين واللامي ))) والميم والعين تتلاها قوافيها

فكرة رائعه منك الغالي الامير

وتشكر اخي على هذا المجهود المتواصل

وباذن الله راح نتساعد معك

تحياتي لك