عندما تأبى الدموع النزول

قصيدة أتمنى أن تنال أعجابكم

ياعيوني أرحميني وأذرفي دموع غزيره=وأطرحي همي بدمعك ولاتخليني أعاني
صار قلبي ينزف الآهات وظلمك يديره=ماتحمل صدقيني وبالألم ينطق لساني
الدموع تريح الإنسان ويسترجع عبيره=دام قلبي ماتحمل هلي دموعك عشاني
أدري إنه في دموعك ذل ودروب عسيره=بس قولي ويش أسوي دام قلبي مانهاني
كنت عاشق آآه ياعشقي وياحب الأميره=كنت عاشق والدروب طوال وقساها زماني
مطلبت الا عطيته أملكه أو أستعيره=حتى لو تامر عليك أنزعك لو قل شاني
مو مهم اني اشوف يكفي انك له بصيره=والأهم اني الاقي منهو يستاهل حناني
النظر غالي ولكن فدوى لعيون الأميره=صدقيني غاليه بس هي أرفع مكاني
كانت الفرحه تبيًن فيك لاشفتي نظيره=كيف وانتي بجسده ماتجيبه لك أماني
أرحميني بالدموع دام ماجاني عبيره=واطرحي همي بدمعك ولاتخليني أعاني

وسلامتكم

السلام عليكم ورحمة الله وبركاته
soopa
يشرفني ان اكون اول من يرد على كلماتك الرائعه التي تستحق الاعجاب والثناء تحياتي

الله يعطيك العافيه ياصاحبة الاسطوره
هذه القصيدة ماتجي ربع الاسطوره
تحياتي لك

يعطيك العافيه وبصراحه رائعه
بكل ماتسطره حروفك
ماهو الا .......ابداع في سماء الشعر
تحياتي لك...........دمت بحفظ الله

يعطيك العافية سوبا ,, روعة !