أهم قوانين الطبيعة

أهم قوانين الطبيعة


قانون الاصطفاف : إذا كنت صاف في طابور بطيء وقمت غيرته، طابورك اللي غيرته فجأة

يصير يمشي أسرع من اللي انت الحين فيه.


قانون التلفون : عمرك ما تتصل على رقم غلط ويطلع مشغول.


قانون التصليح : بعد ما إيدك تتزيت وتتوسخ من الشحم ودهن الماكينة، خشمك يبدأ يحك .


قانون المعدات : إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه .



قانون الأعذار : إذا تأخرت عن الدوام وقلت لرئيسك أن كان عندك بنشر، اليوم
اللي بعده تينشر من صج.



قانون المسبح: بعد وضع جسمك في الماء، يبدأ التلفون يرررررن وما يسكت.


قانون الالكترونيات : إذا أخذت جهاز عند مصلح تبي توريه انه ما يشتغل، حزتها يشتغل احلى كلام .



قانون السينما : اللي حاجزين كراسي في النص لازم ايون آخر ناس ويدوسون على اريولك.


قانون القهوة : أول ماتجيب لك كاس قهوة ساخن، ايي رئيسك ويعطيك شغلة ما تخلص الا لمن تبرد قهوتك .



قانون المصادفات : إذا كنت مع واحد أو وحدة ماتبي حد يشوفك معاهم، فجأة كل اللي تعرفهم يطلعون من كل مكان.



!!! قانون الأقساط : إذا عندك سيارة أو طراد أو أي سلعة مطلوبه للأقساط،،،

مجرد أن تنتهي الأقساط تخترب.



قانون الزواج : بعد شهرين من زواجك ... يسألونك ها في شي بالطريج ؟؟؟



!! قانون نهاية الأسبوع : وأنت نايم يوم الجمعة حد النومه تدز أمك أخوك

الصغير يغثك لمن تقعد عشان غدى



!!! قانون المعاش (الراتب) : آخر الشهر لازم كل العزايم والهديا والطلبات تزيد حبكت



قانون الطقس : لازم بنهاية الاسبوع وانت حدك متحمس بتطلع حداق أو تروح البر

مع الربع يصير الجو هوى واغبار وحر وارطوبه بمعنى ثاني الفصول الاربعه بيوم

واحد

قانون البحث : إذا حبيت تدور شي معين(ما تلقاه).... معنك كنت كل يوم

تشوفه مجابل ويهك ؟؟


صــح ولا لآ .؟؟
لووووووووووووووووووووووول

هههههههههههههههههههههههههههههههههههههههههه

يسلمووو مغروره على الموضوع
ههههههههههههههههه

اقتباس المشاركة الأصلية كتبت بواسطة ربوووح هههههههههههههههههههههههههههههههههههههههههه يسلمووو مغروره على الموضوع ههههههههههههههههه

دووم هالضحكه يارب...

حاضرين لكـ اخووي

قانون البحث : إذا حبيت تدور شي معين(ما تلقاه).... معنك كنت كل يوم

تشوفه مجابل ويهك ؟؟

هذي صح

يسلموووو مغروره

/

ههههههههههه
وانتي الصادقه يامغروره كلامك كله بمحله
يسلمو خيتو على موضوعك