حصريا في منتديات هاجس قصة خفت أحبك بعدين أفقدك

[align=center][size=5][color=#000000][size=5]

بسم الله الرحمن الرحيم
السلام عليكم ورحمة الله وبركاته
اليوم انقل لكم قصة جديده وحصريا في منتديات هاجس الشرقيه
للكاتبه : احلامي مجنونه
من تأليفي
خفت أحبك بعدين أفقدك
أخليكم مع القصة والمطلوب منكم
1- القراءه
2- الرد على الموضوع
3- أرائكم وتوقعاتك
:::::::::::::::::::::::::::::::::::::::
بسم الله نبدأ بالتعريف
عائلة أبو نواف
أبو نواف :((عبد الله)):
نواف: 20سنة.
ندى: عمرها 19سنه.
ـــــــــــــــــ
خوال نواف وندى
عائلة أبو مشعل
ابو مشعل متوفى،ام مشعل متوفيه.
هيفاء: متزوجة وعمرها 25 سنه
مشعل:30
محمد: عمره 20سنه.
منى: وعمرها 19سنه.
ـــــــــــــ
خوال منى ومحمد
عائلة ابو مازن
ابو مازن ((ماجد)):
ام مازن ((مي)):
مازن: 20 سنه
وجدان:19سنه
ــــــــــــــ
الجزء الأول ::
طق الباب على أخته
ندى:مين؟؟
نواف: أنا نواف أفتحي أبيك بموضوع مهم
ندى:طيب
فتحت ندى الباب وخايفة من الموضوع
ندى: نواف وش الموضوع خوفتني
نواف: بسم الله مستعدة للصدمة
ندى: الله يستر مستعدة
نواف:بروح ادرس بره 4 سنوات
ندى فتحت عيونها على الأخير وشلون يعني بروح ويخليني 4 سنوات لا ماأصدق بس هذا أخوي لازم اتحمل مثل هو ماتحمل عشاني لا لازم ابين اني فرحانه
نواف: الووووو وين رحتي
ندى: طيب ابوي موافق
نواف:لا ماقلتله انتي اول وحده دريتي اذا كنتي مو موافقه اكنسل الرحلة
ندى بسرعة:لا لاتكنسل تروح وترجع بالسلامه
على طول حضنها نواف وجلست تصيح ليه ماتدري يمكن خايفه تفقده مثل مافقدة امها
ندى وهي تصيح:تكفى طلبتك انتبه لنفسك مابي افقدك تكفى
نواف وخلا ص والدمعة في عيونه:لا تخافين كل يوم بكلمك وبرسلك مسجات بس تكفين لاتصحين ماتبني اروح عادي
ندى على طول بعدت عنه ومسحت دموعها
ندى : قم بس قم قلبنها فلم هندي والله لا أكرفك بطلعاتي قبل لاتروح
نواف : هههههه واحلى كرف من احلى اخت قومي جهزي نفسك
توه بيطلع
ندى:نواف
نواف:عيونه
ندى شو رايك ناخذ شاليه ونطلع كلنا ونجلس يومين
نواف : حلوه الفكره انا بلكم الشباب وانتي البنات
ندى: طيب
طلع نواف وراح لغرفته وكلم محمد
اما ندى كلمت منى
في بيت ابو مشعل
دخل محمد ولقى اخته في الصاله مالبست ولا شئ واعرف انا ندى متصله عليها
محمد: هي انتي قومي البسي
منى تستغبي: ليه؟؟!!
محمد:بروح الشاليه اظن قالتلك ندى
منى : طيب بقوم اف
محمد بعصبيه:اش قلتي
منى خافت:ها ولا شئ باي
اول ماراحت جلس يضحك على اخته بعدين راح يبدل ملابسه
ــــــــــــــ
نزلت ندى بعبايتها ولقت ابوها جالس عند التلفزيون
والتفت ابوها
ابو نواف:هلا والله بالغلا كله
ندى بابتسامه: هلا بأبو الغاليه وحبة راسه وجلست جنبه
ابو نواف:اجل بتكرفين اخوك قبل لايسافر
ندى: هههههه عليك نور
سمع نواف كلام أبوه وضحك على ضحكة اخته
نواف: تحشون فيني
ندى: لا خيالك
نواف: يلا ورنا مشوار بناخذ الغثة
ندى : ترى ماأسمحلك تغلط على توأم روحي وانا موجوده
ابو نواف : هو وش فيكم مناقر عيب متى تكبرون
راح نواف وباس ندى على خدها
نواف : وهذي بوسه عشان ارضي اختي الغاليه
ابو نواف: ايه هذا الاخو السنع انتبه لاختك وانا بوك
نواف: لا توصي حريص
ندى : ما تلاحظون انا تأخرنا
نواف: يلا يبه تبي شئ
ابو نواف : سلامتكم
راحوا وحبو راس ابوهم بعدين طلعوا وركبوا السياره
وكان الصموت يعم المكان التفت نواف على ندى وابتسم الله لايحرمني منك احبك
التفت ندى ولقته يبتسم وابتسمت
ندى : نواف من بروح معنا
نواف : انا ومحمد
ندى: طيب ليه ماتعزم طلال من مات ابوه معد نشوفه حتى اخته ريناد مو مثل اول
نواف : فكره
رن جوال نواف وكان المتصل محمد
نواف : ألوو
محمد: هلا نواف وينك تأخرت
نواف : مسافة الطريق وأكون عندك
محمد: وش رايك نعزم مازن واخته
نواف يتأفف : مو لازم الغثاء نعزم طلال احسن
محمد: وش رايك انت كلم طلال وانا بكلم مازن
نواف : مصر يعني
محمد : ايه يلا باي
نواف: باي
ندى: وع وش يجيبه معنا الله يعينا
نواف : ماعلينا منه اسكتي بكلم طلول
واتصل عليه وعلى طول رد
طلال: ألوو
نواف: هلا والله بأبو الشباب شخبارك ؟؟
طلال : الحمد الله و انت ؟؟
نواف:بخير اسمع انا داق عليك عشان بنطلع لشاليه لمدة يومين قبل مانسافر تعال انت واختك
طلال: تصدق جيت بوقتك خلاص بنجي لا يكون بيجي مازن
نواف: مادري محمد بيتصل عليه
طلال: وع وش يجيبه الله يعنا
نواف: وش فيكم الكل يكرهه ويقول الله يعينا
طلال: مسوي تحبه وبعدين من قال الله يعنا غيري
نواف وهو يلتفت على اخته ويبتسم : حبيبتي
طلال فتح عيونه : حبيبتك لا يكون تغازل
نواف قام يضحك: وش أغازل نسيت حبيبتي ندوش يلا طول علينا انت واختك باي
طلال :اوكي باي
نواف : لحظة قبل لاتسكر كلنا بنجتمع بيت محمد خلاص
طلال:خلاص باي
نواف:باي
سكر من عند نواف وجلس يصارخ
طلال وهو يصارخ : ريناد ريناد
ريناد وهي خايفه : وش فيك
طلال وهو يضحك: البسي لقيتلك طلعة مع أغلى الناس
ريناد وهي ماتدري وش السالفة : وش تخربط انت وش أغلى الناس
طلال: بروح الشاليه وبنجلس يومين وبتجي ندى ومنى
ريناد من الوناسه احضنت اخوها وباسته
ريناد: مشكور خيو دقيقه و أكون جاهزة
طلال: أنتظرك
وراحت ريناد تبدل ملابسها وتتوعد بندى ومنى عشانهم ماعلموها
ــــــــــــــــــ
نرجع لمحمد وهو يتصل على مازن
مازن : ألوو
محمد:هلا مازن شخبارك
مازن : تمام و انت؟؟
محمد : بخير
مازن : وش عندك داق
محمد يكرهي لك يالتني سمعت كلام نواف بس إذا فات الفوت ماينفع الصوت
محمد: بنطلع للشاليه وبنجلس يومين تعال انت واختك
مازن: من بيجي
عرف محمد انه يقصد ندى الله يعينك يا ندى
محمد : كلنا بروح
مازن : حتى طلال
محمد : ايه
يا لله الغثة بيجي بس ندى بتجي وناسه
مازن : متى بترحون
محمد :الحين وكلنا بنجتمع في بيتنا ونمشي مع بعض
مازن : طيب باي
وسكر في وجهه بدون مايسمع رده
وقام محمد يسب ويلعن فيه دخلت منى وشافته
منى: محمد وش فيك؟؟
محمد بعصبيه : ولا شئ جاهزة
منى : ايه
محمد: ترى مازن بيجي هو واخته
منى : وانا أقول ليه تسب وتلعن بعدين ليه تعزمه الله يعينك يا ندى
وشوي ويرن جوال محمد ورفعه بدون ما يعرف من المتصل
محمد بعصبيه : ألوو
نواف: لا مو محمد إلي أعرفه قايلك لاتكلمه بس ماتفهم
محمد: نواف ترى مو فاضيلك طلال بيجي ولا لا
نواف : ايه بيجي قم أفتح الباب
محمد : طيب
وسكر من نواف وراح يفتح الباب
محمد: هلا والله بالغلا كله
نواف : لا داعي هذا كله لي يا حظي
محمد: من قال انه لك هذا لندوش
ندى : هلا محمد شخبارك ؟؟
محمد: تمام
جت منى مسرعه وحضنت ندى
منى: هلا وغلا بالطش والرش
ندى: وع وع بعدي عني انتي وترحيبك
منى: هههههه شخبارك؟؟
ندى : بخير
نواف: ترى لنا رب
منى:اسفين بس من يشوف القمر ينسى الدنيا ومافيها
نواف : معك حق
ندى : بنظل واقفين
محمد: محشومين تفضلوا
دخلوا الصاله وما احد في البيت
نواف : وين مشعل
محمد: في الشركه
ندى: وهاذي حياته ليه ما يتزوج
محمد: حولنا معه بس ما في فايده
ــــــــــــــ
الجزء الثاني ::
في بيت طلال
طلال: ريناد وينك يلا
ريناد: هذاني خلصت
طلال: يلا تأخرنا على الشباب
...................................
في بيت ابو مازن
مازن وهو يصارخ: وجدان وجع ترى بروح واخليك
وجدان : خلاص يلا
مازن بعصبيه : بدري
خافت وجدان منه وسكتت
وطول الطريق ساكته خايفه منه
ــــــــــــــ
نواف : محمد وش رايك نروح با جمس
ندى تدخلت في السالفه : ايه احسن عشان نكون مع بعض قبل لا طيرون لباريس
محمد: خلاص بروح اجيب المفتاح
راح محمد يجيب المفتاح وشغل السياره وركب الأغراض ورن جواله وكان طلال
محمد: هلا وينك؟؟
طلال : أنا عند الباب أفتحلي
محمد: طيب
سكر من عنده وراح يفتح الباب
...............................................
وش بصير في سفرة نواف؟!
والشاليه هل راح تكون فيه احداث حلوه ولا ....؟!
تواقاعتكم

قصه حلوه انا اتوقع يصير فيه شوي حزازيات بين الشباب بس
بسبب البنات تهد الاوضاع شوي لان كل واحد بيحب اخت الثاني
هذي توقعاتي ممكن ماتصير صحيحه
تحياتي لك احلامي مجنونه معطره بالورد

يعطيمك الف عاااااااااااااااااااافيه


وشكرا


اخوك عاااااشق الزعيم

يسلمووو على مروكم العطر على صفحتي
والحين راح أكمل لكم القصة
تابع للجزء الثاني ::
طبعا البنات كانوا جالسين برى
دخل طلال وراه ريناد
محمد: حيا الله من جانا تفضلوا
طلال: زاد فضلك وين نواف
محمد: وأنا مامليت عينك شخبارك ريناد
ريناد: تمام وأنت
محمد:تمام شوفي البنات
راحت ريناد عند البنات جت ندى وضمتها وجلست تصيح ومنى وريناد عارفين ليه تصيح
ريناد: هذا استقبال يا ندوش
بعدت ندى عن ريناد ومسحت دموعها : أسفه
منى : لنا رب
ريناد: هلا والله بالغلا كله
منى : اهلين كيفك؟؟
ريناد: تمام
ـــــــــــــ
بعدها طلع نواف وشاف البنات يضحكون اما محمد وطلال جالسين عند السياره
نواف: هلا طلال و شخبارك ؟؟
طلال: تمام و انت ؟
نواف: بخير محمد تأخر العلة
محمد: مادري عنه و منب داق عليه
وفجأه رن جوال محمد وكان مازن
طلال: ذكرنا القط جانا ينط
الشباب: هههههه
محمد:الو
مازن: أفتح الباب
محمد من غير نفس: طيب
نواف: ها عند الباب
محمد:ايه
راح محمد يفتح الباب ونواف وطلال راحوا عند البنات
طلال+ نواف:السلام عليكم
البنات: وعليكم السلام
منى بعصبيه: تراني طفشت ابي اروح
نواف : الباب يوسع جمل اطلعي احد ماسكك
الكل قام يضحك منى راحت وطقت نواف مع كتفه بعدين مسكه خصرها
منى: تتهزء حضرتك
نواف: أفهميها يا الدلوعه
قامت ندى وضمت منى
ندى: كل شئ ولا منمن
نواف: خلاص زعلت مني رايح من السلامه وراح لحقته ندى ومسكته مع يده وباسته مع خده ماقدر يمسك نفسه وضمها جاء محمد من بعيد يصفق
محمد : خلاص خلص الفلم الهندي
نواف: لا بقي شوي
منى: كل منك خربت التصوير يلا إعاده
الكل قام يضحك جاء مازن ووجدان
مازن+وجدان: السلام عليكم
الكل من غير نفس: وعليكم السلام
محمد: يلا مشينا
ندى: ما بغينا
نواف: هههههه لاحقين على الدنيا
طبعا ركبوا الجمس وكان ترتيبهم
الي يسوق محمد وجنبه مازن ورى كان طلال ونواف وجنب نواف ندى ورى بالأخير وجدان ومنى وريناد
طبعا كانت الشوارع زحمه والكل نام معدا محمد
الجزء الثالث ::
ندى كانت نايمة وطاح راسه على كتف نواف
قام نواف من الروعة والتفت ولقى راس ندى على كتفه وابتسم ورجع نام
محمد صرخ بصوت عالي: قوموا وجع أنا الي اتعب وانتم نايمين
محد صحى غير ندى
ندى: محمد في شئ
محمد : لا بس تعبت من السواقه وانتم نايمين
نواف فتح عين والعين الثانية مغمضها وكان شكله يفطس من الضحك ندى شافتة وماتت ضحك ونزلت دموعها من الضحك الكل صحى على ضحكة ندى
ندى ما عليها من احد بس تضحك
منى : ندى أنهبلتي وش فيك
ندى : هههههه ما أقدر هههههه أتكلم
نواف عرف أنها تضحك عليه عجبه الوضع وقام يضحك
مازن فديت الضحكة
محمد: نواف وندى وجع إن شاء الله أسكتوا
سكتوا
طلال: وش الي يضحك ضحكونا معكم
قالتله ندى السالفه وتذكر يوم المدرسة
طلال: محمد تذكر يوم كنا بالمدرسة الأستاذ يكلمه هو مو معه
محمد: هههههه ايه تذكرت
نواف: بلا فضايح
ريناد: أقول نواف طلعت على حقيقتك
رن جوال ندى وكانت امها هيفاء
نواف: من
ندى : أمي (( ندى يتميه امها توفت لما كانت صغيره والي ربتها خالتها هيفاء وتعتبرها امها ))
رفعت الجوال وردت
ندى: ألو
هيفاء: اهلين
ندى: وسهلين شخبارك؟؟
هيفاء: تمام وانتي ؟؟
ندى: بخير
هيفاء: وينكم رايحين ؟؟
ندى: اخذنا شاله لمدة يومين عشان الثلاثي المرح بسافرون قررنا انا والبنات نكرفهم قبل لا يسافرون
هيفاء: هههههه طيب أعطيني نواف
ندى: طيب نواف خذ أمي
نواف: ألوو
هيفاء : هلا وغلا بنواف شخبارك ؟؟
نواف: تمام وانتي ؟؟
هيفاء: الحمد الله بخير انتبه لأختك
نواف : إن شاء الله يلا تبين شئ
هيفاء : لا سلامتكم مع السلامه
نواف : مع السلامه
سكر نواف من عند امه واعطى الجوال لندى
رن جوال وجدان وكان حبيبها اول ما عرفت ارتبكت
مازن : مين المتصل
وجدان: ها صديقتي
مازن: ليه ما تردين عليها
وجدان: طيب الو
عبد الرحمن : هلا حبي كيفك
وجدان : تمام وانتي
عبد الرحمن : لا يكون مع الأهل الحين
وجدان : ايه
عبد الرحمن: وين رايحين
وجدان: بروح الشاليه
عبد الرحمن: أي شاليه عشان اجي
وجدان خلاص تبي تصرفه بأي طريقه: ايه خلاص مع السلامه ....... وسكرت في وجهه
هين أوريها تسكر في وجهي والله لا خليك تلعنين اليوم الي عرفتيني فيه جاء خويه عبد الحكيم وهو مازال سرحان
عبد الحكيم: ألوو دحوم وين رحت
عبد الرحمن : ها من متى و انت هنا
عبد الحكيم : مو شغلك الي ماخذ عقلك
عبد الرحمن: تذكر البنت الي كلمتك عنها تو كلمتها وكانت مع الأهل وسكرت بوجهي بنت ال.........
عبد الحكيم : و انت وش بتسوي
عبد الرحمن : بعدين بتعرف
ـــــــــ
محمد: وصلنا
ريناد: وأخيرا
نزل محمد وقص التذاكر ودخلوا وسيدا على الشاليه الي حاجزينه
كان الشاليه كبير وكان قسمين قسم نساء ورجال
قسم النساء عبارة عن :
مطبخ وغرفتين نوم وحمامين وانتوا بكرامه وصاله وسط لاهي كبيره ولا صغيرة.
أما قسم الرجال زي النساء بس مخصص للرجال وزياده فيه المسبح .
دخلوا البنات القسم المخصص لهم
وجدان راحت لغرفه وقفت عند الباب
وجدان: هذي الغرفه لي لوحدي فاهمين يلا برى
ريناد: ومن قال أنا نبيك أصلا باي
طلعوا البنات من الغرفه لان وجدان طردتهم
وراحوا للغرفه الي جنب غرفه وجدان وناموا على طول
..............................
دخلوا الأولاد للقسم المخصص لهم
وراح مازن ودخل الغرفه وسكر على نفسه
طلال: ولد خالتكم قليل أدب
محمد: طول عمره كذا
نواف : أقول امشوا ناموا تراني تعبان
دخلوا الغرفه الثانية وناموا
.........................................
معقوله وجدان تنكشف والشئ الي راح يسويه ويخليها نتدم ؟؟!!
هل راح يكون في أحداث أكثر من كذا ومازن وحبه لندى هل راح يستمر ولا ...؟؟!!

يووووووهـ يا احلامي مجنونه بليز كمليها موتطولين عاد
ماحب الانتظار انا
عني اتوقع رح تنقلب عليهم الرحله فوق تحت <<<اتفلسف