جاوبوني الله يخيكم لاني من جد تعبت ...

بعد التحيه والسلام..

بادخل بالموضوع ع طول بس ابي منكم جديه بالحل..

لي صديقه تعرفت عليها بالجامعه وبالصدفه عرفت انها تصير لبنت خالتي يعني قريبه وصديقه بنفس الوقت المهم..

مع الوقت خطبتني لاخوها وانا رفضت ابي اكمل جامعه..
البنت مايأست وكل فتره تكلمني بالموضوع وانا اتعذر بالجامعه..
المهم الله يهديها كلمت اخوها واحنا عندنا عاده سيئه نتكلم عن البنات قدام اخوانا وابائنا من غير مانراعي حرمتها..

الولد تعلق فيني من كلام خواته لاني على علاقه بثلاث من خواته وكلهم معي بالجامعه بس الاولى اهي اقرب لي واهي الكبيره..
مالكم بالطويله ..

البنت تجاهلتني وكلمت ابوها حتى يتقدم رسمي وانا وقتها حكيت لاهلي الموضوع وعطيتهم خبر..

وبالفعل دق ابوها على الوالد واخذ موعد وشرفنا في البيت وهذا الكلام من 4 سنوات لكننا صُعقنا بطلبه..

الرجال بدل مايخطب لولده خطب حق نفسه!!!!!

الوالد من غير شعور قاله : لولدك ولا لك؟؟؟؟؟؟؟؟
قال وبكل وقاحه واهو عارف اننا عندنا خب ان الولد اهو اللي يبيني ومع هذا رد وبكل برود: لا لي انااااااااا !!!
الى اي حد وصلنا بالنذاله والحقران والوقاحه ؟؟؟؟؟؟؟؟
يخرب على ولده ؟؟؟؟؟؟؟؟؟؟
والمشكله انه دكتور جامعي وعلى ماسمعت ملتزم يعني يخاف الله
!!!!!!!!!

مو هنا قضيتي الموضوع الى الان الولد بعد مارفضته رجع يكمل دراسته للخارج اهو جاي حتى يتزوج وياخذني معه بس مادرى ان ابوه ماخطب له خطب حق نفسه!!!!!!!!

الولد رجع اول الصيف ورجعت صديقتي تكلمني بموضوع اخوها مع العلم ان الولد مافي شي يعيبه غير طلب ابوه واهو متمسك فيني الا الان يعني صار له خاطب تقريبا 5سنوات وصديقتي تلومني على رفضي تقول اخوي مو راضي يتزوج الافيك..

وانا بصراحه مابي اقول لها سبب رفضي لاني بالنهايه انا غريبه واهما اللي بيدومون لبعض ..
مابي اخرب علاقة الولد بأبوه وللمعلوميه ان والدهم امس رجع يطلبني ومدخل واسطه واغرائات لها اول مالها اخر..
بيت باسمي ..احسن وظيفه .. سياره بسواقها..
وتوظيف كل من يعز علي!!!
<< الظاهر متأثر بالحاج متولي بس عن جد شر البليه مايضحك!!

مع العلم ان مستوانا الاجتماعي حلو الحمدلله بس شكله شافني بنت صغيره قال خليني اغريها وترضى..
والادهى والامر انه متبع كل خطواتي ويعرف مين اللي يتقدمون لي ويخرب موضوعهم يعني واقف بنصيبي بعد الله..

اهلي يبوني اخذ الولد بس مو متخيله كيف اكون مع ابوه وكيف بيكون عمي واهو ماينظر لي نظرة بنت له .. وكيف اجلس معه واسولف .. وكيف بارتاح لوجوده عندي بيتي لوحده؟؟؟؟
والله صعبه ماراح اخذ راحتي ابدا..

كمان ما ارضى ابدى حياتي بكذبه وكيف بتكون ردت فعل الولد اذا عرف بالموضوع وان ابوه يبيني؟؟!!!!!!!!!!
لانه باعتقادي بانكشف من تصرفاتي مع ابوه راح تكون هناك استفهامات بيتوجب علي الاجابه عليها؟؟

وكيف اخذ والدهم واكون زوجة ابو صديقتي وكيف اكون مع ولده اللي يبيني حقه؟؟؟؟؟؟؟؟؟؟

انا محتاره اقول لصديقتي عن ابوها ويكون بينها وبين ابوها لانها بقوه احرجتني وكمان حتى تصده عني ويبعد عن طريقي ولا اتم ساكته واستر عليه ؟؟؟؟؟


جاوبوني الله يخليكم لاني من جد تعبت وربي...

هلا وغلا غناتي

موضوع في غاية الاهمـيه وفي نفس الوقتـ قمـة الألمـ

تخافين تقولين ويحصـل مشاكل والسبب إنتـي وتخافين تسكتين

ويترتب عليه مشاكـل أكـبر ؟؟

شوفي غناتي بالنـسبه لي .. لو انا في مكانكـ كان ما ترددت لحظـه

بإبلاغ أختـ الولد

لانها هي المـسؤولـه الاولـى عن هذه القصه كـلها

وهي تتصـرف بينها وبين أبوهـا ,, أو يمكن تقولكـ حل للمشكـله؟؟

بس جد تصرف الاب غريب <<<<< شدعوه هذا ابنه ويسوي فيه كذا

لا حول ولا قوة إلا بالله

ولا ترفضين الولد لان شكلهـ شاريكـ وبإذن الله راح تتسوى الامـور

يمكن في البدايه راح تكون صعبه لكـن أصري بالرفض ع الاب

وكلمـي ابنته وخليها تكلم أبوهـا .. لان كذا ما يصير

وربي يوفقكـ ويطمنـا عليكـ يارب

سلمك ربي حبيبتي دفا القلوب..
بس تجدينه حل اقبل بالولد؟؟
اهو صحيح من تصرفه واضح انه شاريني بس اذا قبلت فيه وحاولت قد مقدر اتجنب ابوه
تعتقدين بانجح؟؟
وشنو بتكون ردة فعل الولد اذا عرف؟؟
والاهم ان الاب يعترض طريق كل من تقدم لي واولهم ولده
بتظنين يوافق على طلب ولده؟؟؟؟؟
بالنسبه لي انا مااااااااااااعتقد..
اشكرك حبيبتي الله يعطيك العافيه..
والله لايبلانا ويعااااااااااافيه يارب

اقتباس المشاركة الأصلية كتبت بواسطة محتاجه لجارحها سلمك ربي حبيبتي دفا القلوب.. بس تجدينه حل اقبل بالولد؟؟ اهو صحيح من تصرفه واضح انه شاريني بس اذا قبلت فيه وحاولت قد مقدر اتجنب ابوه تعتقدين بانجح؟؟ وشنو بتكون ردة فعل الولد اذا عرف؟؟ والاهم ان الاب يعترض طريق كل من تقدم لي واولهم ولده بتظنين يوافق على طلب ولده؟؟؟؟؟ بالنسبه لي انا مااااااااااااعتقد.. اشكرك حبيبتي الله يعطيك العافيه.. والله لايبلانا ويعااااااااااافيه يارب

عزيزتي

ادري الموضوع مو سهل أبدا

ولكن حاولي تكلمـين اخـت الولد وشوفي رأيهـا

أو توكـلي ع الله وصـلي استخاره وإلي ربي كاتبه بيصير

وربي يوفقكـ مره ثانـيه

الله يوفقك ع اهتمامك بموضوعي وبحاول اخذ بنصيحتك..
بس انا من رايي اذا توافقيني لو اكلم صديقتي واشوف وجهت نظرها
بالموضوع بشكل عام قبل ما اقولها ان الموضوع يخص اهلك .. شرايك؟؟