ماني مطولها ولا ابغى اطالتك قلبي الا من عاف حاجة ركنها

السلام عليكم ورحمة الله وبركاته

حبيت انقل لكم هذي الابيات وان شاء الله تحوز على رضاكم




مسكين ما تلقى مشخص لحالتك
ظنك جميع الناس ترخص ثمنها

اعقل ترا ماني بناقص جهالتك
ان طعتني شف ناس غيري وهنها

ماني بعامل وجاي ادور كفالتك
محبتك ذله وانا شوم عنها

ظلمك على نفسك تعدا عدالتك
نفسك بتزعل منك صحصح وصنها

مدري احسك من بسط من هبالتك
خيول عقلك ليه تفلت رسنها

االنقص في عقلك يشابه رسالتك
فيها جزء من نص مفقود منها

اكتب علي من شيت وامحي مقالتك
فاهم حيلك بسرها وبعلنها

لاتدلني للحب ما ابغى دلالتك
دولتك باخصها وباخص مدنها

لو وك وكيل الشوق للغي وكالتك
راحت سنين الشوق وروح زمنها

صعوبتك عندي تساوي سهالتك
لانك عجينه في يدي واعجنها

اللي صدمني فيك قلت اصالتك
ناس مثل شرواك محدن ضمنها

(!!ماني مطولها ولا ابغى اطالتك % قلبي الى من عاف حاجه ركنها!!)