كتبت كلمه تسد عن الكلمات

بسم الله الرحمن الرحيم

السلام عليكم ورحمة الله وبركاته


[ لبيــه ] منِّك غير .. لمَّا أناديك
كن الكلام العَذب ... مرساه فمِّك
مهما غلوك قلوب ناسٍ حواليك
أغليك أكثر منِّهُم بس .. لعلمك
أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك





آنا مثل : [ نارٍ قويَّه ] .. وإيَّاك
من هو لمسهَا تحرِقَه ما تدفِّي

والحين بنهي قصة الحُب وياك
وقزَّر حياتك بين ذكراي وحرفي

وقلبي / إذا مرَّه لقيته .. وتعداك
لا ( تحرجه ) وتحِط إيدك بـ كتفي






شوف غيري حتى لو قلبي يبيك
شوف غيري أنا ما أنفع معاك
انت تلقا من يحبك ويشريك
وأنا بلقاء من ينسيني غلاك
ياحرام الوقت ضيعته عليك
ياخساره القلب بحساسه شراك
لاتفكر اني بندم وجيك
قلبي اليوم ما همه رضاك
لاتأثر لو عيوني ترتجيك
لايهمك حتى لو بتعب وراك
ياحسافه وقت ضيعته عليك




ما ادري انا بحياتك من أكون
بس أنت بحياتي أغلى شي
لا تسأل ليش أنا أحبك وشلون
الحب كله لك أشوفه شوي
وأشوفك كل شي لي بهالكون
وأشوف الكون كله بدونك ولا شي




اعتبرني كلام من اللي كتبته
كل ماضاق بك الكون قريته
اعتبرني حزنك اللي كتمته
أو دمع في لحظة حزن بكيته
اعتبرني الغالي اللي ذكرته
او الماضي اللي نسيته
او اقولك
اعتبرني اللي تعتبره
المهم في النهايه تكون حبيته



مابيني وبينك عتاب شف دربك الي جيت منه تدله ماراح تغلبني
لو الحب غلاب من حظرتك قلبي تذله كنت القريب وكلهم اغراب
حتى القمر لاغاب شفتك محله رح واعتبرني شخص اذنب
وتاب ماني بثوب تلبسه ثم تمله





اذا قصرت في وصلك وجاك في يوم جفا مني ..؟
ابيك..؟
تخفف عني اللوم..
واذا اخطيت سامحني..
وتذكر اني مصيري يوم..
(كفن) ابيض يغطيني..
(وقبر) صغير يحويني..
(ودمعه) ابيها من عيونك تودعني..
وتبكيني..وتدعيلي..





حبيبي حان الوداع.......كان لنا قصة حب .....لكن اليوم الحب ضاع......
كان قارب الحب يسير وكان للقارب شراع.....فراقك هد حيلي وملاني حبك اوجاع.....
ارجوك تتركني....خلني وخل اخر الكلمة وداااااااااااااع



الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت .. فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟





والله ماكان الفــــــراق اختياري
ولا عمري اخترت الوصال ولقيته
ليت الزمن يقدر يرد اعتباري
ويبري لهايب قلبي اللي كويته




عرفت ابكي من الفرحة عرفت اضحك من الاحزان
عرفت ان الدموع ارحم واصدق من يواسيني
عرفت ان الوهم دربي ولا به من يقدرني
عرفت الانتظار اصعب
عرفت ان الوعد خوان
عرفت ان العيون اللي فرقتني جت تبكيني




روحي وهالمره خــــلاص لاترديــن!!
هذا الفــــــراق وروحــــةدون رده!!
الكذب خيـبــه ما عــرفتي تحبـــين
ما أنتــــي من يســـتحق المـــوده
ماتعرفين الحــــب والعــطف والـين
ولا عاد في قلبي على الحـب شده





قد قتلتي قلبا قتلوه مسبقاً..وكيف يهاب الموت من كان قتيلا..
اقحمت نفسي في هواك وعدت مجدداً ..وعلمت ان مثل هذا الحب يستحيلا..
فادركت انك ابتلاء ربي ..وكيف للضمآن غير الماء بديلا




يوم من الايام تمنيتك حبيبي ....تمنيت اكون حبك وتكون نصيبي .....
بقيت احلم فيك وبقى قلبي محتار فلهيبي ...طلعت انت جارحني وانا الي ضنيتك طبيبي....طلعت همي وحزني وانا الي ضنيتك طبيبي



وش تقول في انسان سميته الماضي والحالي ؟
قال لي: كل شي ممنوع؟
قلتله: والله لعيون الغالي مرغوب..
كتبني في صفحته انسان عاااادي ..
وانا ما اكتبه والله غير انسان مشطوووووب




ماكان العشم فيكم في عز جروحي تنسوني
وربي كان انا ظني تجوني قبل اناديكم
لكن لاسف بانت وخانت فيكم ظنوني
وهدمتو اجمل احلامي وخيبتو الرجا فيكم





طال انتظاري والوله يحرق الجوف..
والصبر ما يطفي من البعد ناري ..
اكتم شعور الشوق واصارع الخوف..
وفي داخلي نهر من الهم جاري..
اضحك ولحن الحزن بالصدر معزوف..
ودمعي حبسته لا يبين انهياري..




يمكن تطوووول غربتي . سنين وسنين..
وفيها عيــــــوني مايطولك نظرها..
لكن تاكد لو تضيـــــــع العناوين..
تكشف لك الدنيا وخافي قدرها..
انك عزيز ومنزلك داخل العين..
بين الرموش وبين صافي بصرها..



جئت لأكتب لك فلم أجد قلما .. فبريت عظمة من عظام صدري فلم أجد حبرا ..
فغمستها بدماء قلبي فلم أجد كلمات
فكتبت كلمة واحده تسد عن كل الكلمات .. أحبك




مشتااااااااااق ....لا انتظر مهو تعبير دقيق......احبك موووووت ....
لحظة وهذا بعد كلام عتيق....انت عمري ....
ولا هذا لان قلته مرة لصديق ...انت نظر عيوني ...
صح هو هذا لاني فيك اشوف الطريق




وينك يا عيوني غايب عن دربي وين
وينك تجي تشوف حالتي يا أغلا ناسي
وينك تشوف دموعي حرقة العين والخدين
من دونك عايشه دنيتي وسط المآسي
من غيبتك عني والله النوم فارق العين
كافي غياب من القهر ضاق صدري وفتل راسي





يا أجمل الناس في قلبي وفي عيني
"يا احلى طيف يمر العين ويشقيها"
انا أشهد إن لك غلا مبطي وهو فيني
"قصة غريبة ولا أدري ويش اسميها"
لو قلت أعزك قليلة ماتكفيني
"شعوري أكبر من الدنيا وما فيها"




كنت اظن الحب في وسط القلوب
اثر حبك مالي الدنيا علي
دايم مشرق ولايعرف غروب
منور ونوره تعدى كل ضي
كان حبك غلطتي ماراح اتوب
راح احبك لو كواني الحب كي
لي فواد في هواك دايم يذوب
من عرفتك وانت عندي كل شي




وحشني كل مافيك وحشني فرحك وزعلك
وحشني جدك ومزحك وحشني حتى تعذيبك
وحشني وانتي تدريبي اعيش الضيم عشانك
ولا اقوى يوم تعذيبك
وحشني كل مافيكي وحشني سمعي لصوتك
وحشني شوقي لشوفك وحشني قولت "احبك"
وحشني ردك وقولك: احبك اكثر واكثر
ولاتجادل معي اكثر
واذا انك مصر علي تراكي اكثر بنقطه بس نقطه
ولاتزيدي على حبي سوى بنقطة
ياجعلي افداك لهالنقطة
وجعلي افداك لكل مرة احس انك قريب اكثر
وجعلي افداك لكل مرة احس انك بعيد اكثر
وجعلي افداك لكل مرة احس انك .. وحشتني





وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب




وين أودي شوق قلبي والوله
لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
هاك قلبي ..
هاك ليتك تقبله
خذ سنين العمر أوخذني معك
انت تالي العمر وانت أوله
من يقول اني نسيتك يخدعك...




جيتك وانا ماني بتايه الراي ..
جيتك وانا مدري وش اللي بغيته..
وان كان تنشد ليه انا جاي ..
ابشرك برد يقنعك لا قريته ..ا
مر يوم بالعمر منت وياي .
اشتاقلك شوق المسافر لبيته ..
لاتلومني لا جيتك كلي من اقصاي ..
مافيه غيرك لاتضايقت جيته


منقول

مسجات جميله

يعطيك العافيه

مسجات رائعه طوير ..

يعطيك الف عافيه على ذوووقك ..


تقبل تحيتي ..

بأنتظار جديدك

تسلم يمينك عالنقل الرائع

اقتباس المشاركة الأصلية كتبت بواسطة أريج الشرق مسجات جميله يعطيك العافيه

الجميل مرورك

الف شكر لكِ