معقوله كلهم يحبوني

اعتذر لكــل المبدعين .. فأنا هنا اكتب بــ"العاميــه"

اليوم ربووع .. "ياربي بنطلع استراحــه اليوم ولا لا " شوفوه خال عزوز جاء
بأروح اسأله ..
جيت عنده .. خالو في استراحه اليوم ؟
" لأننانحبكـــم أيواا "
بسرعه الكل جهز وخلص ..


في السياره ..هذي رساله جاتني ..
من : دنـــو
" والله أحبك وأبغاك تجينا اليوم "
ههه تحبني .. وتبغاني اجيهم .. بسيطه ليه لا ..
بعدين أزورهم ..

بعد ماوصلنا الإستراحه إلا مابغينا نوصل والله من مشاوير الرياض ..
نواف ولد خالي جاي يجري..
وش عنده ذا ..
" تكفيييين والله أحبك 00 تعالي ألعبي معنا كوره "
بس بسيطه .. ليه لا .
في نص المباراه .. طلال ولد خالتي الحكم .. بالصافره .. استوب ..
طالع فيني .. وش عنده ذا بعد ..
كومار تبغاك ..
وش عندها كومار بعد ..
" والله أنا في هب أنتا ويبقى كتاب تاني سمسم أول جيب "
بس بسيطه .. ليه لا .
هههه حتى شغالة خالتي تحبني ههههه
رجعت للملعب .. بعد ماقطعت عليناكومار حماس المباراه
انتهت المباراه بفوز فريقنا طبعاً .
الهنوف بنت خالي .. يووووه منك بالله تعاي اجلسي معنا ..
ولا تزعلين بأجي .. دقايق جدتي تناديني ..
وش عندها ذي بعد..
جدتي: " تعالي يابنيتي و الله إني أحبك [size=5]"
أدري جده حتى أنا أحبك وش عندك..
جدتي : الله أبغاك تجيبن السله من السياره نسيتها ..
بس بسيطه .. ليه لا .

رجعت بأجلس مع البنات ..
بجوالي هل تريد استلام رساله من كذا الدنيا ؟
نعم.. ليه لا ..
" والله أحبـــــــك "
طالعت في اللي حولي ..بنات مين اللي مرسله علي ..
أراوي :أنا.. والله أحبك ..
أنا: تبغين شيء .. أي خدمــه ؟
لااااا أحبك وبس ..
أنا جالسه أقول في نفسي .. معقوله ماتبغى شيء هههههه ..
ماجد ولد خالتي ..
هييييييييييه .. أنتِ أخوك يبغاك ..
وش عنده ذا ..
" تكفيييييييييين والله أحبك [color=000000].. أبغى خمسين ريال .. رصيدي خلص
وأبغى أشحن .. بنروح المقهى ..
بس بسيطه .. ليه لا

ياربي دايخه متى نوصل البيت .. بعدين المفروض تكون الإستراحه.....
جوالي يدق ..
مين ذا اللي داق أخر الليل ..
يووووووووه أموت أدري متى يفهم ذا كل يوم أقوله الرقم غلط .. ولا يفهم ..
رديت .. نعــــم وبعدين معااااااااك ..
" والله أنا أحبك .. تكفيييييين عطيني وجه "
صكيت بوجهه ..
بس بسيطه .. لاااا والله هذي ماهي بسيطه ..


البكره بعد العصر..
أريام بنت عمي داقه ..
" والله أنا أحبك .. وودي تروحين معنا ستار ستي .."
بس بسيطه .. السواق اليوم مسافر بس أحاول أجي ..
أبــــوي داخل ..
أبوي : والله حزني السواق
وش عنده ذا بعد ..
أبوي: " يقولي أنا أحبك "
إيــه يحبك .. بس وش يبغى ..
أبوي: يبغى يرجع لنا مره ثانيه .. مسكين كسر خاطري بأخليه ..
ههه كسر خاطرك ذا الهندي .. أبوي أحنا في زمن حب المصالح ..
مصدق أنه يحبك ..
قمت وأنا زعلانه .. صراحه .. ما أبغى السواق ذا يجلس عندنا .
رحت للكمبيوتر ..
رسالـــه جــديـــده ..
ميـــن بعــد
"والله أنا أحبك .. وعشان كذا أبغى منك ...................... "
بس بسيطه.. ليه لاااااااااااااااااا
أحس الدنيا تدور .. مسكت رأسي .. تحسست الطريق لغرفتي ..
فتحت الدرج .. أخذت البنادول ..
لا إرادياً قلت
والله أحبــــــــــــــــك يابنادول وعشان كذا بأكلك ..
لا تستغرب حبيبي بنادول .. هذا زمان حُب المصاااالح


للمعلوميه .. هذا الموضوع غير جدي لكنه يعطي بعض الأمثله...
اخر ما كتبت أتمنى أن يحوز على رضاكم
خالص حُبي وتقديري لكل من يحبني

قد تكون كلة أحبك
بداية لسيل جارف من الطلبات



لا أعرف لماذا الحب دائماً يكون مطية لأغراض كثيرة لا تمت للحب بصلة



الدنيا أخذ وعطاء


لا مانع عندي أن ألبي جميع طلبات من يطلب مني

سواء طلب أن أذهب معه الى مكان او أن أعينه أو أي شيء أخر لا يتعارض مع قيمي ومبادئي

ولكن بالمقابل

أن طلبت منه فأنا أتوقع ان أجد ما أطلبه عنده

ولا أقصد بكلامي أن نكون وحده بوحده
لا ما اقصد ان يكون الشخص مع مصلحته فلان يفيدني اكون معه وفلان ما يفيدني اتركه

ولكن أن طلبت من شخص شيء ما وكان يقدر عليه فأنا أتوقع ان أجد ما أطلبه

وإن كان لا يقدر عليه

فذلك لا يمكن أن ألومه




الدنيا أخذ وعطاء




موضوع جميل اختي

أحياناً حلاة الموضوع يكون باللهجة العامية



دمتي مبدعة كما أنتي

موضوع راائع ياهمس الغلاا
الله يعطيك العاافيه

تحيااتي

هلا بك اختي

المصالح وما ادراااك ..

سرد جميل للقصه . وانا في رأي تمثل الانانيه لدى الانسان ...

تحياتي لك