فدوة عيونك

فدوة عيونك لو غدت روح مغليك


وش عاد لو راحت لعينك عشاير

ابيع ما يغلى على الكون و اشريك

و اسوق لَى جتني علومك بشاير

و ازعّل جميع الناس بالحيل و ارضيك

و اصبر ولو دارت علَيّ الدّواير

و آخذ من ايّامي لك ايام واعطيك

وان راح عمري لك فلا هو خساير

احب انا شوفك و صوتك و طاريك

دايم وفكري فيك هايم وحاير

بالصمت اهوجس بك و بالصوت اناديك

و الله عليم البيّنه و السّراير

انا و قلبي و الهوى بين اياديك

عندك مفاتيح الهنا للضماير

من روحي احبك ومن روحي افديك

يامن غرامه و الحسن فيه ثاير


منقول لعيونكم

هلا فيك

عاشقة الامير هاجس

ما اروع قصائد الامير خالد الفيصل

صح الله لسانه شاعرنا الكبير

تسلم يدك على النقل الرائع

تحياتي العطره لك

اقتباس المشاركة الأصلية كتبت بواسطة هاجس الشرقية هلا فيك عاشقة الامير هاجس ما اروع قصائد الامير خالد الفيصل صح الله لسانه شاعرنا الكبير تسلم يدك على النقل الرائع تحياتي العطره لك

هاجس الشرقيه...

مرورك كباقة ياسمين فواحة

وكلماتك تشكل باقة أخرى تفوح بعبير مختلف

الله لايحرمني من مرورك المشرق على صفحتى ..

عاشقة الأمير هاجس""

وانتقاء مكلل بالحب
من عاشقه تنبض بالاحساس
رائعه واكثر

دمتي بألق