سندريلا في ربوع القصيم}

سندريلا في ربوع القصيم}---------:sm254: -----------------


السلام عليكم ورحمة الله وبركاته


اليوم جايكم ياحلوين


وجايبلكم شي انشالله يعجبكم



ابي رايكم بصراااااااااااااااااااااااحه

بس اقولكم قبل كل شي

جهزوا الشاهي والفصفص

ولا مانع من وجود بعض الموالح

واذا فيه قهوه وشوي حلى

قلنا شوي حلى لا تكثرون

لأن الموضوع يمكن يكون شوي طويل

بس طولو بالكم علينا شوي شوي

يالله نبدأ

1

2

3

.........................




{سندريلا في ربوع القصيم} حكاية من التراث السوداني



*<< ملاحظة هامة : .. الظاهر ان الموضوع طويل اشوي مهوب قوه وسع صدرك ترى الثقل قدام .. افصل الاتصال اذا اشتراكك محدود الساعات >> ** احلى يا واااااد.
** كان يامكان في قديم الزمان وفي سالف العصر والاوان.
** كان هناك فتاة تدعى رقية .. تتميز رقية بجمال أخاذ فهي الاقل شطوبا بين زميلاتها وهي اكثرهم بياضا بالنسبة للركب واقلهم اصفرارا بالنسبة للاسنان ...
** كانت تعيش سعيدة في احيالتهم _ (مزرعتهم)
وفي يوم من الايام راح ابوها يبي يجيب العلف من المزرعة حاول حمل حزمة العلف .. عندما رفعها وجد تحتها جنيا فبخ به الجني فخر صريعا على خشته ......

لحــــــظة هونت ابوها مامات وش لون يصير لها مرة ابو؟؟ اذا فالذي راح للمزرعة ومات اكتشفنا انها امها لكن الترجمة لم تكن دقيقة
** ماتت ام رقية .. وشعرت بحزن غامر ماتدري وش اتسوي .. فتصافقت بها الجدران ...
جاءابو رقية لمها وقال لرقية انا لازم اعرس .

رقية : على راحتك يبة.
ابوها ..خلاص انا باخذ لطيفة ارملة ابو سعد.
قالت : يبه بس هاذيك قشرا.
ابوها .. لا هذي اشاعات وبناتها مريم ومزنة بيصيرون مثل خواتك.
رقية .. اللي تبي يبه...

** تزوج ابو رقية وبعد شهر من فلة الحجاج بدات مرة ابوها وبناتها تقل خاتمتهم ويحسرون برقية.
ضاق صدر رقية وسكنوها في بيت الدرج .. والابو ماله سنع بينما لطيفة وبناتها ساكنين بأحسن غرفة والتي تطل على حوش البقر <<< حاسين الارتباط معهم>>>.
** دارت الايام .. والى هكاليوم به حفلة في الخب الشمالي .. ..امسويها حاكم الخب (القريه) من اجل انتقاء عروسا له.

** قعدت رقية تصيح ودها تروح .. ومرت ابوها صاكتن عليها اطلعوا للحفلة واتركوها ..

** يوم صار بالليل وتمر هذيك الفارة وتلحقها رقية بالنعلة تبي تكتلة ... اصرخت الفارة بقوة قائلة :
الفارة : اصبري وش بلاتس انتي ماتقرين قصص.
رقية : بلا قصص بلا هم هالحين ابلختس بهالنعله واطير راسك.
الفارة : وش بلاتس انا فارة متجنسة <<< يعني فيها جني من اهل الارض>>>...
رقية : واذا صار يعني.
الفارة : انا راح اسوي لتس اللي تبين << اكيد لاحظتوا اللهجة>>
رقية : وش بتسوين يعني..
الفارة : مثل القصة اللي بالتلفزيون ابخليك كشخة وتروحين للحفلة.
رقية : يالله ورين اذا انتي صاتزة.
الفارة : طيب جيبي لي عنز واربع دجاج مندي << خطا مطبعي>> وقرعة نجدي واوريتس.
راحت رقية وجابت له كل اللي تبي.
الفارة /// شرم برم لاتو فاتو جرام سرام ... يوم صارة القرعة كاديلاك وصارة العنز شغالة.. وصارة حدى الدجاج سواق ... وباقي الدجاج مالهن سنع فاضبطوا عليهن كبسة.
افرحت رقية .. قالت الللللللله بس وشلون اروح وما عندي لبس.
قامت الفارة << نسينا انقول لكم ان الفارة تغير شكلها الى انسان >>

المهم قامت اسحرتها وحطت عليها ذاك اللبس :

التيور من آوت فيت <<< ماعليش دبة اشوي>>>
والجزمة من ميلانو.
والشنطة فندي <<< اصلية مو تقليد>>>
والبوك جفنشي <<< ماعليش مو زي الشنطة هذا المتوفر باسواق الجن>>>
** افرحت رقية واركبت وراحت للحفلة.

.... << تكفون عدوها ولاتدققون هالمرة >> ....

** قالت : الفارة لرقية اسمعي الساعه احدعش <<< على باله بيغير ... لازم ترجعين والا تراني مانيب مسؤولة عن اللي بيصير.
* * جت رقية للحفلة .. يوم الفتت نظر كل الموجودين ادحيم وعليان وعزيز والبرهم كلهم فقوا اخششهم من الدهشه.
** الامير كان مستنزل <<< يطقون له طيران>>>
قالت : الجنية اللي مع ارقية للجني اللي في الامير : اطلع خل الامير يصحي ...
** نظر الامير الى رقية مدهوشا
ماهذا الجمال اللي يشق الجبهه
** تبوسمت رقية وقالت تسلم الله يخليك
الامير إحول وفقد التركيز.
قال ممكن ترقصين معي

رقية : واخزياه والناس وش يقولون.
الامير : تكفين تراها قصة لاتخربينها.
رقية خلاص تم....
** ارقصت رقية مع الامير ونست الوقت.

مادرت الا المباراة اللي بالتلفزيون قاضية .. درت انها تاخرت.
كانت الساعة العاشرة وثمان وخمسون دقيقة .. طيط ..عند الاشارة << عفوا نسينا>>
*المهم...

انقزت رقية وراحت تركض واثرها لابسة الزبيرية حقت اخوها الصغير <<< انتبهوا للصغير... لان الجزمة اللي جابتها الجنية لها ضيقة عليها>>>
اركضت رقية بالدرج .. وتنقطع الزبيرية وتطيح .. والامير يركض وراها ... تكرفس على جبهته وماقدر يلحقها .. اخذ الزبيرية معه ورجع.

** رقية ارجعت لبيتهم وهي مبسوووووووطة.
الامير اعلن انه يبي يتزوج راعية الزبيرية ..
من بكرا انزلوا الحاشية يدورون راعية الزبيرية ... اكتشفوا ان نص اهل الخب الشمالي تركب عليهم اوالله البلشة <<< قالها الامير
معقول باتزوج خبي>>>

جاب مستشاره وقال له وش الحل.
المستشار : ابد طال عمرك انشوف رجلين الحريم واللي مقاسها ست واربعين تراها هي ...
*** راحو يدورون ... اكتشفوا ان معظم بنات الديرة مقاسهن تسع واربعين وفوق...

** يوم اوصلوا بيت رقية .. صكت عليها مرت الابو في بيت الدرجة .. لم تسكت رقية فبدت تصارخ وتصيح افتحوووووووووولي ..
سمعها خوي الامير <<< المستشار>>>
قال : جيبوها
قالوا : هذي خبلة
قال : ماهو شغلكم جيبوها ..

** جت رقية والبست الزبيرية والاها قدها تمااااام ... فرح الخوي وراح وبشر الامير.
** تزوج الامير رقية .. وتهاوش معها عقب شهر وطلقها . <<< اوالله الخاتمة.

مما ورد نستفيد التالي :

1/ القرع له فوائد عديدة.
2/ رقية شخصية مش خيالية.
3/ زين اذا كانت نعال اخوك قدك.
4/ القرعة ممكن تتحول الى كاديلاك.
5/ اذا بغيت تعرس لاتاخذ وحدة شايفينها بعرس .. وحاول انك تشوفها في الوضع الطبيعي ..والا تراك تبي تطلقها .. الا اذا كانت <مدرسة>٠


مع التحيه
وش رااااااااااااااااااايكم

تزوج الامير رقية .. وتهاوش معها عقب شهر وطلقها . <<< اوالله الخاتمة

هههههههههههههههههههههههههههههههههههههههههههههههههه هه

كل هالحوسه الي صارت وآخر شي يتهاوش معها ويطلقها

الخاتمه مسكته هههههههههههههههههههههههههههههههههههههههه

هههههههههههههههههههههههههههههههههههههههههههههههههه هه

حلوووووووووووووووووووووه منك اصايل

يسلموووووووووووووووووووووووو

هههههههههههههههههههههههه

حقيقه ما ينلام .. سحليه تبط الكبد

هذا انتوا يا السحالي ماهنا دبره كلش

من غيرنا ما تسون شئ

حلللللللللوه سحليه اصايل

/ اذا بغيت تعرس لاتاخذ وحدة شايفينها بعرس .. وحاول انك تشوفها في الوضع الطبيعي ..والا تراك تبي تطلقها .. الا اذا كانت <مدرسة>٠

يا زين بعض العادات الي في بعض المناطق انه يتزوج

والين يموت ما يشوفها <<<<الله راحمه من شكلها ههههههههههه

ولا بالله عليكم هذي اشكال عند السحالي

ولا اذا جات تمشي تقول سته رجال يمشون في ثوب واحد <<<هذي قويه هع هع

يسلموو سحليه اصايل اذا بتكونين كذا راح نضمك معنا بشركة تمسحكو

تحياتي

هع هع هع هع
الحلوه عيووووونك احتي روعه
ماننحر مش