مغازلنا كان يتم عن طريق صناديق البيض

..... السلام عليكم ورحمه الله وبركاااته ....



ان راااح انقل لكم مذكراات مرااهق ساابق للكااتب الكبير أ. بدر
عبدالعزيز وان شاء الله رااح تستانسون مع مذكرااته ...




- بعد امتحاانات " نهاايه العام
" كنت في الرابع
المتوسط وطبعا بعد الامتحانات على طول نذهب "
الجمعيه الكبيره " واشترى صندوق
بيض واجلس
مع شلتي العريقه على سور المدرسه بين المدرسه
والحديقه وأنتظر خروج بناات المتوسطه وطبعا كان
المغازل بالغصب اللي ما تعطيني وجه راح تبتلش
فيني أنا وربي إلا كل واحد حط يمه صندوق بيض
... وعلى طول رااح تتلقى خمس بيضاات على
راسهاا وتفوح ريحه الزفره وطبعاا البناات من
يشوفوني من بعيد يلفون لفه طويله علشاان يفتكون
منى ومن شري ومرت أربع بناات " باايعينهاا
"
وقلت للشبااب استعدوا وأول ما أوصلوا قالت وحده
من البناات إذا فيك خير أحذف عليناا ورديت عليهاا
أشهد اني فيني خير وطحت " أرمي " واذا البناات
يبكون وأحنا نتطنز عليهم " وي وي " و أرجعت
واحده منهن وقالت : " صج أنكم ما تستحون "
فرد عليها واحد من الشباب وقال لها : أنت توك
تدرين أن أحنا ما نستحي ؟؟ وبصراحه كسرت
خااطري لأنها كانت تبكي ونزلت لها وقلت لها
آسفين أختى فردت بعد شنو بعد ما صرت كلي أزفره
... أنتم شبااب أنتم في احد يغازل يحذف البناات
بالبيض فرديت عليهاا بعد شنو نسوي أنتم ما تعطونا
وجه ... وقالت : انت بذمتك ما عندك شغل كل سنه
أشوفك على سااس المدرسه ؟ أنت " قطو
" فرديت
عليهاا بصرااحه لأني معجب بنفسي واجد وان احب
اكون فوق الأرض على " السااس " حتى ترااني
بناات المتوسطه او الثاانويه واكيد رااح تنعجب
فيني وحده من البناات فقالت لي : اشلون تبي
البناات تعجب فيك وانت وربعك تحذفون على البناات
بيض ؟؟ فرديت علشان يعطونا وجه وطبعا انا اتكلم
والربع سااكتين .. قالت : الله يرحم والديك لا
تحذفون علينا بيض وحنا ما نعرف نوصل البيت إلا
من هذا الممر فقلت أبشري وأحسست أني ودي
أبكي ... لأن كلامها جذاب وقلت للربع والله يويله
اللي يحذف عليهاا بيض ثااني مره وأخرجت
النبااطه من بطني وقلت اللي مشتهي تنفقع عينه
يحذفهاا بالبيض وطبعا الجميع سكت ....





واليوم الثااني دخلت المدرسه واذا الإشااعات تاارسه
المدرسه اللي يمر ويقول أي شعليه واللي يقول ما
عندهاا صديقاات ؟؟ وطبعا المصبنه تلزقوا فيني على
بالهم خلاص " طيحتهاا " وطبعاا كل دقيقه اعدل
بقذلتي واقول يا جماعه احنا حلوين شنو نسوي بعد ؟؟
وخلصت امتحان ورحت على الساس واذا كل المدرسه
على الساس وكل واحد معاه صندوق بيض طبعا اشوي
و أبكي وشفت البنت اللي كلمتني واذا الشباب
يتغاامزون هذي هذي وطبعا اعتقد ان مئه بيضه
انكسرت على رأسهاا اشويه ونزلت وقلت لهاا احنا فعلا
آسفين فردت : أي آسفين أنا البارحه مو كلمتك وطبعا
ريحه الزفره فجرت مخي وقلت ميخاالف حصل خطأ
وقالت ليش ما داافعت عني فرديت عليهاا على بالج أنا
" أغرنديزر " أطق كل هالشعب فقالت أوريكم وذهبت
واذا بشباب انزلوا من " سوبر ماان " ومعهم "
عجرات " فقلت للربع "
قبه قبه " وطبعاا كم ثاانيه
وأنا في البيت بس جلست أفكر في كلمه قالتها آخر
كلامها وهي ... الله يدووم النعمه ... ما ادري كانت
تقصدني يعني !!!؟؟




اتمنى ان شاء الله تعجبكم ... ويعطيكم الف عااافيه ...



تحيتي ..


....همس القلوب ...

يعـــطيك الف عـــافيـــة على المــوضوع

همس القــلوب والله مــغازل بـنغـاليـه هـذا

امــا بالبيــض وزفــره الله يــعين البــنات عليهم بس


لا وبعد يقول(وطبعاا كل دقيقه اعدل
بقذلتي واقول يا جماعه احنا حلوين شنو نسوي بعد ؟؟)))


حــلويــن بالبــيض اكــيد ،، صدق ربي يدووم النعـمة

تقـــبلي خــالص الــود والأحـــتراام

يسلمووووووووووووووووو لك تحياتي

طبعا تمساح مايعرف يفكر هههههههههههه

يسلموو حبوبتي على المذكرات الطريفة خخخخخخخخخخ


تحيااتي

ههههههههههههههه

حلوه همس القلوب على هذي المذكرات

بس أنا اللي أعرفه يرموا قطاوه ولا سيارات مو يرموا البنات بالبيض
ههههههههه

تقبلي تحياتي