صحيح الجرأه تنقصني وصحيح ضعيف شخصيه

ابيات اعجبتني وحبيت انقلها لكمـ



صحيح الجرأه تنقصني و صحيح ضعيف شخصيه.. ولكن لو تشوف الشوق في عيني بتعذرني


انا جيتك وكل هموم خلق الله ترا فيه... و ادري فيك لو تبغي انته تفهمني بتفهمني


تعبت كثير المحلك و اقول بيفهم شويه.. و ادري فيك فاهمني بس ودك تعذبني


وانا راضي بتعذيبك و بتحمل بلاويه.. ولكن لا تزودها معايا ولا تبهدلني


أحسك تلعب بقلبي لعب شرطي و حراميه.. انا استسلمت مابي العب دخيلك لا تلاعبني


اقولك هالسما زرقا تقولي لا سماويه.. اقول انزين سماويه تقولي لا تغلطني


تقول الورده ذي اي لون اقولك هذا ورديه.. ترد تقول لا حمرا عسى الله بس يصبرني


اذا ناوي تعقدني و تلعب يالغلا فيه.. تراني معقد و خالص و مو ناقص تعقدني


دخيلك مدلي يدك و انا بحظنها بيديه ..دخيلك قرب شفاتك دخيل الله عانقني


وخل خدك على خدي يا احلى خدودو ورديه ..و عينك خلها في عيوني تعال اسكنها واسكني


نعم سبحان من سواك أخذت من كل شي شويه.. و ها الشي اللي جنني و اكثر فيك حببني


عيون غير باقي الناس احسها عيون قطريه... ترا في شي في عيونك احسه دزم يجذبني


و خشمك سيف ما يرحم من سيوف السعوديه... و انا يمك احاسب دوم اخافه بس يطعني


و حبة خال في وجهك تقول دانه كويتيه.. ومن يكسبله هالدانه يعيش العمر متهني


و من البحرين حتي خذت حواجبك الهلاليه... و شعرك موج اماراتي سبع مرات غرقني


و طيبة قلبك انته غير نعم طيبه عمانيه... يا اطيب قلب في الدنيا متى باحساس تاخذني


واذا سولفتلي كن السوالف هي عراقيه.. ولك يابه اشردت مني تريد انته تعذبني


نعم ماكنك الا يالغلا وصفه خليجيه... جمعت بلدان في وصفك في شخص واحد يا فاتنني


تصدق يا اعز الناس انا ايدي و هي ايديه... اذا لمست طرف شعرك ابد ما ودها تتركني


اذا موج الشعر جاها بتسبح فيه و بفيه... الين احس بايديني و كن الماي بللني


و اذا نزلت ايدي اكثر على خدك احس فيه ...نسيت الدنيا و العالم واحسك انته تحكمني


و اذا جيت اوصف احساسي لساني يثقل شويه... و اتم ساكت و اطالع فيك و اقول الحين بيفهمني


ولكن انته ما ادري شفيك نوى قلبك على نيه... ولا ادري وش نوى قلبك دخيلك قول و صارحني


ابا اعرف بس شي واحد يا اقرب هالبشر ليه... و اذا لي خاطر عندك ابيك انته تجاوبني


لا تستهبل و لا تعاند ترا والله ما فيه... ولا تقول انته ليش اليوم ودك بس تحرجني


ابا اعرف ليش امس لما طلبتك خافقك عيا... و انا والله كل قصدي احس بس انك تحبني


افا والله كيف تصد عني بنظره عاديه ...افا والله ما توقعت بهالقسوه تعاملني


وشفتني كنت متردد و لكن قلت يا حيه... مدام انه يلمحلي اكيد انه بوافقني


لأنه قام و سمعني و اهداني اغانيه... وقلبي من كثر ما دق توقعته بيخنقني


تبي الجرأه انا حاظر ابتجرأ ولا ليه... و اقول اللي تبي تسمع و لكن انته سمعني


انا نفسي تقول اني في عمرك شمسك و فيه... ابي تمدحني بس مره ابوس ايدينك امدحني


ابا اعرف كيف احساسك تجاهي يا اغلا من ليه... تحبني ولا بس لأنني احبك قمت تجاملني


تكلم لا تحيرني ترا الكلمات عفويه... اقص ايدي اذا ما كان ودك بس تحيرني


دخيلك غمض اعيونك و اسمعني و حس فيه... انا والله احبك موت ولا غيرك بيعجبني


واذا اني كنت انا يمك ترا الفرحه خياليه... اطير بفرحتي واسرح ولكنك تقومني


انا من كثر ما احبك احس روحي انانيه... اذا غيري لمس ايدك احس انه يموتني


وانا والله مب ناقص ترا يكفيني ما فيه ...ابا اتقرب انا صوبك ولكن انته ساعدني


هذا كل ما عندي كتبته و بحسن نيه.... قسم بالله وانا اكتب احسك انته تكتبني


ترا الأيام يا بيضه و سوده مش رماديه... و خلك يالغلا واضح
دخيلك لا تلونني


صحيح الجرأه تنقصني و صحيح ضعيف شخصيه... و لكن بس ابي منك شويه بس تدفعني


وبعدها لا تسوي شي واترك كل شي ليه... ولكن بس لو مره بحبك انته حسسني

!••{ سـآرة •

أسعدالله مسائك بكل خير

تسلم الأيادي المتميزه ..على أحلى الأبيات

صح الله لسانك ولسان شارها

وننتظر المزيد من جديدكـ القادم بـشووق

أحترامي وتقديري

الأمير هاجس

الامير هاجس

مساءك شعر

صح بدنك واسعدني مرورك

دمت بود

{ســـاَره}

مرحباً أخـُيتي
تواجد متميز دوماً يلاحقه الجمال
والعذوبة ..
شكراً لكِ على كلماتكِ الرائعة
دمتِ في سلامة الله وحفظه
لكِ التحية..

اقولك هالسما زرقا تقولي لا سماويه.. اقول انزين سماويه تقولي لا تغلطني


تقول الورده ذي اي لون اقولك هذا ورديه.. ترد تقول لا حمرا عسى الله بس يصبرني

يسلمووووووووووووووو حياتي على النقل المبدع

تحياااااااااااتي