لا تكمل

يا كثر ما يشغل البال ويسبب شقاه



من جروح كل لحظه لها وجه جديد



كل ما نكبر وتكبر مفاهيم الحيااه



نكتشف وتزيد الأحلام والواقع يزيد



واقع الدنيا كذا ما حد يدرك مداه



لو حصل له صيت حاتم وفعل بن الوليد



والقصيد أسباب واللي ذبحني في غلاه



من سمعته تقل أعرفه وهو عني بعيد



جابه اللي قال عنه القصيدي يوم جاه



واتصل يطلب قصايد وصرت أقرا واعيد



قال زدني من قصيدك قصيد وقلت هاه



والله إني رحت فيها وراح ابها القصيد



قال وش بك قلت له وانت صوتك وش بلاه



كنت احسب القلب من ما جرى له مستفيد



قال هذا صوت عذبك أجل كيف السواه



لو تشوف اللي يوصف على عنك الفريد



قلت لا تكمل وما قلت لي عندي دواه



لو تقول انك عن الكل في وصفك وحيد



يبتدي جرحك وينهيه مثل اللي بداه



من خلقت أعالج الجرح في جرح جديد ...





منقووول

همس القلوب

أسعدالله مسائك بكل خير

تسلم الأيادي على الأبيات الجميله جداً

وصح الله لسانك ولسان شاعرها

وننتظر المزيد من جديدك القادم

أحترامي وتقديري

الأمير هاجس

كلمات رائعه وإحساس أروع

يعطيك العافيه

لك مني ارق تحيه عطرها الورد والكادي

هيبة ملاك

لو تقول انك عن الكل في وصفك وحيد



يبتدي جرحك وينهيه مثل اللي بداه



من خلقت أعالج الجرح في جرح جديد ...

يعطيكـ الف عافية على النقل الرائع

تقبلي مروري

مشاء الله تبارك الله

كلمات جميله ونقل موفق

تحياتي لك