اخر العنقود

تعيرني ؛؛ تقول امك تناديك : اخر العنقـود
خـل عنك كلام الحب وخلك في دلع مامـه

صحيح انك وسيم وبس عمرك بالهوى معدود
ولاظنيت من مثلك يقدر يوصل احلامــــه

غبيه. تحسب ان الحب يفرق بين طفل وعوود
تظن ان الهوى ياتي بكيف اللي نوى إلهامـه

تظن ان الغلا والعشق لكبير السن بس محدود
ومن مثلي وبمثل عمري .. لا.. مايبدي هيامه

تقصدني انا بالذات تقول ابعد . ابد .لاتعود
ولما تكبر ... ويحلى زمانك عايش احلامه

انا يابنت رغم اني صغير بعالمي موجـود
وزماني .. كان ماتدرين بفعلي تشهد ايامه

صحيح اني صغير السن ولكن. قدها وقدود
وانا عندي مع الدنيا مواقف ترفع الهـامه

انا رغم الصغر يابنت كبير بعين اهل الجود
كبير بعين حسادي .كبير.وان صغرت القامه

ترى صغر العمر يابنت ماهو عيب او منقود
ياكم من واحد ( صغير) رزانة عقله وسامه

ومهما قلتي وقالوا .. صغير.. واخر العنقود
ابد ماهزني كلمة حسـود .. وغاضني لامه

ولا هزيتي بي شعره.. ولو قلتي مدلع زوود
انا يكفيني ان العز جاني من...... دلع مامه

تحياتي

منقوووووووووووول

ولا هزيتي بي شعره.. ولو قلتي مدلع زوود
انا يكفيني ان العز جاني من...... دلع مامه

تسلم اخوي
تحياتي

هلا بك ريما

مرور مشرف

تحياتي لك

انا يابنت رغم اني صغير بعالمي موجـود
وزماني .. كان ماتدرين بفعلي تشهد ايامه

صحيح اني صغير السن ولكن. قدها وقدود
وانا عندي مع الدنيا مواقف ترفع الهـامه
قصيدة روعه
يعطيك ربي الف عافيه

احساس جميل وذوق راقــــــي