لا صرت بايعني
لا صرت بايعني اشوفك على خير
مع السلامة دام مابه سلامه
قلت انتهينا قلت لك خير ياطير
مانيب اول شخص يخسر غرامة
محذرك من قبلها الف تحذير
لا عفتني بيعيف قلبي هيامه
ما نيب ميت لا ولا احتاج تبرير
صح الله لسانك وفر كلامه
بسمعك حبكة وفكرة وتصوير
وافهم عدل يامدعي بالفهامة
وجه الشعر ابيض ويحتاج تغيير
ودي تزيين هالقصيدة علامة
ماضيك الاسود بذكرة دون تقصير
كذا يكون بخد هالشعر شامة
يصدق معي تعبير ويخون تعبير
ياضيعة الشاعر بوقت انسجامه
يمكن خطا ادونك بالشعر مير
لو مااحترمتك للغرام احترامه
ماكان حبك غير بس طعنتك غير
علمتني معنى الندم والندامة
ماجاك مني اي زلة وتقصير
كل ماخطيت اعاتبك بابتسامة
حسبي على الذكرى اذا هبت عصير
ماعاد تنفع شرهتي والملامة
البال ضامي وقتها والحزن بير
خسرتك وهمي كسبت اهتمامه
والليل فازع لك كذاجاني مغير
ظلمتني واكثر ظلمني ظلامة
لاقبل علي اوحيت صوت المسايير
وفزيت كل بيت اقوم بمقامة
واليا عزم هالليل ضيقة وتفكير
قلي بربك كيف بقدر انامه
مافيه داعي للعتب والمعاذير
الغدر خال الجرح واطيب عمامه
ان مايجيب الله مطر تالي الخير
والا السلامة ماش مامن سلامة
قصيدة للشاعر محمد جار الله السهلي
صح الله لسانكـ:icon72:
تقبلو تحياتي
05-06-2008, 09:53 PM
رد: لاصرت بايعني
المواضيع المتشابهه
العرض العادي
