وليدي مشاعر أم لم تكتمل بعد

على الموعد تحريتك تجيني شايل ورده

عطرها من نفس روحي ومنبتها شراييني

على الموعد تحريتك حبيب ما خلف وعده

سكن أعماقي وعطر غناتي بالهنا سنيني

رويتك من ظمأ ضلوعي عطيتك وقتي وجهده

تمنيتك على الدنيا عضيد النور في عيني

جذبتك من ضلوع الخوف سقيتك حبي وشهده

وغنيتك فرح عمري وعشتك كل عنااويني

الا يا بعد عمري انت يا قلبي ويا وجده

ويا رأسي الشامخ العالي وينك عني وويني

أدور في عيون الليل في صيفه وفي برده

ابيك تدفي ضلوعي وتروي لي عطش عيني

عجيبه كيف هي الاحلام كالأحزان ممتده

تعاكس موجه أحلامي فتصرعني وتكويني

أحسك في عروقي الدم يقوي عظمي ايشده

وأقوى بك صبر عمري وأنا الليعات تضنيني

وأجهز لك لعب حلوه تملي البيت وتسده

عشان تعيش في دمي ودقيقه ما تجافيني

وادخن لك ثياب العيد وأخرد لك بعد خرده

وأعيشك جنه آمالي عشان بشوق تحميني

على الدنيا تمنيك ولالي غيرك أوده

حبيب لو ملكت الكون حبه عنه يغنيني

عروقي في حضن روحه على الأيام ممتده

تغذيها حنان وشوق وأغذيها ضيا .. عيني

أضوي لك سراج النور وكم تغفي على خده

وأكتب لك قصيده حب تفرحك وتبكيني

وأتغلى على وعدي وقلبك ناسي وعده

حبيبي دووم متأخر وأنا الأيام تطويني

واتمنى تعجبكم القصيده !!!

وتقبلوا احترامي وتحياتي لكم

همس القلوب

أسعدالله مسائك بكل خير

تسلم الأيادي على الأبيات الجميله

وننتظر المزيد من جديدك القادم

أحترامي وتقديري

الأمير هاجس

صح كلك

وصح ذوقك ع الاختيار


تقبلي مروري

يعطيك العافيه على القصيده الرائعه

تحيتي لك

مشاء الله

كلمات جميله ونقل اجمل

تحياتي لك