آخر موعد

له موعد لاروح الليل وياي
أول وآخـر موعــد مع فتاته
اليوم ما تنفع دموعي ورجواي
اليوم تفصل عن حياتي حياته
اليوم يعطيني بقايا بقاياي
واعطيه انا ماشلت من ذكرياته
اليوم بابدل مشاعر حناياي
يصبح من اخواني وانا من خواته
اليوم يتركني لحالي بدنياي
مجبور يــــقفي لو يزيد التـفاته
اليوم يخلف عن مماشيه ممشاي
والله ما أضمن من عذابه نجاتــه
لو اتعلق فيه ما ينفع ابكاي
خلاص فات الوقت واعلن فواتـه
اليوم بعطيه العزا عقب فرقاي
عندي خبر وش قيمتي في حياته
وانا العزا مابيه من كبر بلواي
ماينفع اللي عاش واعلن وفاتــه
يارحمة الله ساعديهم بسلواي
يعوضه الله بانكسار امنياته
اليوم ياهمي وياطول مسراي
يافرحة العذال وأهل الشماته

" الشاعره الراحله .. عابره سبيل "

الله يعطيك العافيه ع القصيده الروعه

صح لساااااااان من قاال
ولاهاااااااااااان من نقل
تسلميـــ،ــــــــــــــ،ــــــــــــ،ــــــــن

لاهنتي

اليوم بابدل مشاعر حناياي
يصبح من اخواني وانا من خواته
اليوم يتركني لحالي بدنياي
مجبور يقفي لو يزيد التـفاته
اليوم يخلف عن مماشيه ممشاي
والله ما أضمن من عذابه نجاته
لو اتعلق فيه ما ينفع ابكاي
خلاص فات الوقت واعلن فواته

مشاء الله تبارك الله

كلمات جميله ونقل موفق

تحياتي لك

ابيات في قمه الروعـــهـ
صح السانكـ
يعطيكـ الفـ عافيهـ ع القصيده الحلوهـ
تحيتى