الله يجازي من يسوي سواتك

رائعة بن فطيس


الله يجازي من يسوّي سواتك ..::.. وبذنوب من سوّى سواتك يجازيك

مشيت درب الثقل وتحب ذاتك ..::.. ماتدري إنه للمهالك يوّديك

غرّك جمالك ياخسارة حلاتك ..::.. ماتدري ماغير طبعك يحليك

أتقول زينك يشفع لـ سيئاتك ؟!! ..::.. الحسن ماهو عن وفا الحب يعفيك

لو التواضع والوفا من سماتك ! ..::.. بعت الحبايب كلهم دين وأشريك

لكن عجزت أغيّرك ياجراتك ..::.. على الغياب اللي بلا عذر ينجيك

خطأي في توضيح وشـ هي غلاتك ..::.. وخطاك في توضيح وشـ هو تغلّيك

وشلون توصيني وتنسى وصاتك ..::.. وتصد عن صوت(ن) تقطع يناديك

مافادك التجريح والعذر فاتك ..::.. تبغي رضاي الحين ماعاد يمديك

صحيح أحبك بس هذي جزاتك ..::.. بعلمك درس(ن) يفيدك ويحييك

تدري وش أبيض من خفوقك؟؟ عباتك ..::.. وتدري وش اللي غرني؟ نظرتي فيك

أدري بتستغرب تصبر وجاتك ..::.. قصيدةٍ من واحدٍ كان يبغيك

وتبغي تناظر وأنت عايش مماتك ..::.. شوف وحدتك والناس تجلس حواليك

وتبغي تشوف أشجع رجل في حياتك ؟! ..::.. شفني وأنا مقّفي على كثر ما أغليك





الشاعر : محمد بن فطيس

أسعدالله مسائك بكل خير

تسلم الايادي

على

الابيات الجميله

وننتظر المزيد

من

جديدك القادم

أحترامي وتقديري

الأمير هاجس

مشاء الله

كلمات جميله ونقل موفق

تحياتي لك

ابيات في قمه الروعـــهـ
صح السانكـ
يعطيكـ الفـ عافيهـ ع القصيده الحلوهـ
تحيتى

شكرا على مروركم