وصية أم

.....محمد آنا بوصيك يا بني من الحين
وآحفظ وصاتي مثل حفظك صلاتك
.....آحذر من انجاس تحدك على الشين
والزم حدود الدين تضمن حياتك
.....جنب مجالس من يعذرب مقفين
وآجلس مع اللي يزيد لك بحسناتك
.....يابني ترى للناس حكم وموازين
خلك كريم الساس عالي ثباتك
.....آختار منهم ربعة لك على الزين
تكفيك شر اللي يدمر حياتك
.......خلك حريص ماتهزه شياطين
ترى الندم ماينفعك بغـفلاتك
......وأن صار لك حق ترى به قوانين
طالب بحقك دون ترفع عصاتك
.....لمهايطي مانال مدح السـلاطين
لا يخدعك بالصوت مـادح عباتك
.....حافظ على عرضك وعرض المسلمين
شوفاتهم خلها بمنزل خــواتـك
......هذي وصــاتي ونـت نسل الكريمين
وآحفظ وصـاتـي مثل حفظك صلاتك

........... وســــلامـــــتـكــم..........

لمسةحنان

اسعدالله صباحك بكل خير

تسلمين على الابيات الجميله

وننتظر المزيد من جديدك القادم

أحترامي وتقديري

الأمير هاجس

الاخت لمسة حنان مشكوووووووره على هذا الوصيه فانها روووووووووعه

.....يابني ترى للناس حكم وموازين
خلك كريم الساس عالي ثباتك


ابياااات حلووه والله

تسلميين حبووبه