قلت الوداع وجاوبت دمعة العين & تجرح بساتين الخدود النديه

قصيده حزينه اعجبتني احببت نقلها لكم

عسى ما تكون مكرره بس



قلـت الـوداع وجاوبـت دمعـة العيـن
تجـرح بساتـيـن الـخـدود النـديـه

واغضت..وشفت بعينها الحـزن حزنيـن
وصاحت علـى الفرقـا انـا مـو قويـه

وجاوبتهـا ارجـوك ..تكفيـن تكفـيـن
والله دمـعـك يشـعـل الـنـار فـيّـه

وقـالـت تعاهدني..عـهـاد المحبـيـن
الله يخـون الـلـي يـخـون بخـويّـه

قلـت ابشـري واللـي خلقـك لاتظنيـن
حـرااااام ماغيـرك عشـقـت آدمـيـه

وقصّت شعرها...قلت انـا..وش تسويـن
قالـت ابـي ..مـن غرتـي لـك هديـه

ونادتنـي الغربه...علـى الهـم والبيـن
احسّـب الأيـااااام... روحـه... وجيّـه

وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه

غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه

خلاص...هانت...مابقـى غيـر يوميـن
خلالالالاص ... قفّت..غربـةٍ جرهديـه

ورجعت....شوقي في خفوقي... براكيـن
ورجعـت انـا... كلـي لها....جاذبـيـه

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

وتزاحمـت فـي داخلي...ألـف سكيـن
والحزن..يطويـنـي ثمانيـن....طـيّـه

صدمه..وجابتني علـى الارض..نصفيـن
وشلون راحـت دون... ذنـب وخطيـه

تكفون....دلونـي علـى القبر..هالحيـن
مـاعـااااد فيـنـي للصبر....مقـدريـه

ووقفـت اطالـع قبرها...بيـن نصبيـن
وجلست..اضم اغلـى النصايـب عليّـه

واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه

وش فيك...جيت من السفر...مـا تهليـن
ماهي بلك عـاده....ولا انتـي... رديـه

وحاولت في لحظة جنون...اجرح الديـن
وازيـح تربـة قبرهـا....فـي يـديّـه

وبالغصب شالوني...حشـا تقـل مسكيـن
واصـرخ بهم...والله...والللـللله حـيّـه

اقفت...وتاهـت بـي جميع..العنـاويـن
والحـزن يلعب...داخلـي ....سامـريـه

ورجعت لدروب الشقـا.. قبـل عاميـن
مدري من اللـي صـار.. فينـا ضحيـه

وسلامتكم

صح لسانكـ أخوي ساهر..
مشكور والله يعطيك ألفـ عافية

اقبل مني خالص احترامي وتقديري لقلمك المرهف والرائع

تحياتي ودمت بخير وود ..

ووقفـت اطالـع قبرها...بيـن نصبيـن
وجلست..اضم اغلـى النصايـب عليّـه

واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه


رووووووووووووووووووووووووووووعه ابدعت صح لسانك

صح بدنك اخوي شاعرها

العفو وعسى الله يسلمك يا الغالي

والف شكر على مرورك الكريم


تقبل تحيتي

هلا اختي فوشيا رومنسي

صح بدنتس اختي والروعه في تشريفك

مشكوره على مرورك الكريم


تقبلي تحيتي