بعض العرب

بعض العرب ماينعطي وجه بالحيل= وليا عطيته وجه صارلك عله
وبعض العرب ماله سنع لكن حليل= بالضبط كنّك لاتمعنت ظلّـــه
وبعض العرب شقرا وشقرا مع الخيل= ماينفعك لولا الرموش المظلّــه
وبعض العرب لايعجبك ثرثرة ليــل = وباكر ترى ماقال لك شيء للــه
وبعض العرب مرسال مدري مريسيل = يساير العالم وهو حاصــلٍ لـــه
وبعض العرب يسلخ وينفخ وهو ريل = وفي زعمه أنه يفهم الكون كلّـــه
وبعض العرب ماغير بندق ودربيل = ومنين ماهب الهواء جـــايزٍ لــه
وبعض العرب يطلع كما طلعة سهيل = ويغيب نجمه قبل دربـــه تدلّـــه
وبعض العرب يوذيك بالقــال والقيل = تجلس معه ساعة والأخرى تمــلّه
نذل وخسيس يفصل الهرج تفصيل = وليا لقاله طيبٍ يسْتغله
وبعض العرب منظر وكشخة وتحليل = شبح بحال والحال الأخرى كورله
لاشفت زوله من خيار الرجاجيــل = واليا عرفته ماتجيه بمحله
وبعض العرب ماضيه ليلٍ على ليل = قد بصّموه وصوروه الأدله
وبعض العرب لاوالله إلا تهــاويل = مهما عقدت الحبل لازم يحـلّه
قد دربوه ولكّعوه الرجـاجيـــل = من قبل لايصير الحدث جاهزٍ له
وكانك شجاع صحيح حارب اسرائيل= قبل اليهود القدس لا تستحـله
وكلش يهون إلا الثلاث الغرابيـــل = المهزلة والمسكنة والمذلـه

هواجيس نجد
كفوووووووووووووووو
يابنت نجد
ويكفينافخر لا قالوا نجدية

الله يعطيك العافيه

ومشكورهـ، اختي علي النقل الرائع

ودمتم بود

مشاء الله

كلمات جميله ونقل اجمل

تحياتي لك

بعض العرب ماينعطي وجه بالحيل= وليا عطيته وجه صارلك عله
وبعض العرب ماله سنع لكن حليل= بالضبط كنّك لاتمعنت ظلّـــه

صح لســــــــــــآنك
وعلآ شـــــــــــآنك
‘عســــــــــــــآك
دوم على القوهـ
لآهنتي