كلمات اغاني الفنان فهد عبد المحسن

(( غــرآبيـــل الدهــــــر ))
مـع غـرابـيل الدهـر شفـت القـهر *** فـي حـيـاةٍ فـيــهــا هــم وسـمــوم
غـاب نـور الشـمس واتـبعه القمر *** وأظـلم الـدنيـا حـتى مـن النـجــوم
فـي سـما حـبـي شـقا وهـمٍ ظـهـر *** وغابت الفرحة عن القلب الرحوم
ذقـت لـوعـات المـراره والـكـدر *** حـزن قـلـبـي جـدده كـثـر الهـمـوم
السـهـر والنـوح فيـ عيني استـقر *** جـفن عـيـني طـول ليـلـي مـايـنـوم
رابـح اللـي بـالسـعـادة قـد ظـفر *** الـشـقــا قـلـبــه مـن أيــام مــحــروم
:::::::::::::::::::::::::::::::::::::
(( هــمـــس عيـــنك ))
همــس عــينك يوم ماتــحكي بها *** ارتــبــك مـقـدر أبــادلـها الكــــلام
لـــه معــاني اكــثره مــدري بــها *** رغم مابــدي لانــظرت منه اهتمام
توهـتــني يوم جــيـت أمــشي بها *** ومن سـواد الهــدب كني في ظلاام
بحــر عيـنـك لــه أمواج بغـيـبـها *** يغـرق السبــاح لو يـحـمـل وســـام
شـوفـي روحـي يقــبل ويقـفي بها *** مابـعــد وصلت الى شاطـــئ سلآم
اعتــرف مقــدر لغـتــك الغي بـها *** لك عيــون بالـنــظر تحكي الغـــرآم
:::::::::::::::::::::::::::::::::::::::
(( مــن يقــول أنســـاك ))
مــن يقــول انســاك في يوم وتــهــون *** من يـقــول انســاك يا عـــــمــري كذب
فـي حــياتي غـيـر حــبــك مــا يـكــون *** مسكـنك مــا بـيـن جـــــفنـــي والهدب
لو يـطــول البــعــد قــلــبـي مـا يــخـون *** ينــتـظر لقيــــاك واشــــــــواقي لهـب
فــي فوادي تــحــركــت الشــجـــون *** مـثـل ما هي النار يسعرهـــــا المهب
تكـتـمل دنـياي بقـــربــك يـا حــنـون *** وأن طــواني الـمـوت صرت انته السبب
:::::::::::::::::::::::::::::::::::::::
(( مـمــأ جــرالــي ))
مما جرالي صرت انا اخاف الايام *** اخـشى مخافيها تسابق نكـــــــدها
تتسابق ايامــــــي للاحزان قــدام *** ويزداد همي مع تزايد عددهـــــــــا
يكبر مرض قلبي على مر الاعوام *** والضيم روحي بالمصايب ضهدها
ابكي زمــــــاني والمخاليق نيــام *** والحال حزني دمع عيني نشدهـــــا
ياصاحبي وين العهد ليه مــــــادام *** وش غيرك وانته لروحي سعدهـــا
قصور حبن لك بنيته بالاحــــلام *** حطمت في صمتك رواسي عمدها
وانهار حــبي والسبب هرج نمام *** وقــفى فرح نفسي وزادت عقدهــــا
::::::::::::::::::::::::::::::::::::::::::
(( ضــاقــت بــي الدنيــآ ))
ضاقـت بي الدنيا وانا منك مجــــروح *** وامسيت من حبك جريحٍ شقاوي
راحـت حياتي منك ما شفت مصلـوح *** لا وا حسافه راح عمري هقاوي
ياللـي سحرت القلب لا تجرح الــروح *** عندي امل لا تخيب فيك الرجاوي
مقـدر على نسيان حبك ولا البـــــــوح *** وانا اعرف انك اه للصد ناوي
ارحـم عليلٍ صار من طبعه النــــــوح *** عطني دوا للجرح كان انته ناوي
من جرح حبك صرت هايم ومطروح *** ضاع العمر والجرح ماله مداوي
::::::::::::::::::::::::::::::::::::::::
(( صــاحــت العــأنــس ))
صاحت العانس بصوت ابكي الوجـود *** تشتكي من جور ابوها وعمها
حملوها حـــــــــــزن مافيله حـــــــدود *** وامنعــوهـــــا لا تكمل علمها
لجــل عــادات وتـــــــقالـيـد وقــيـــود *** شيبو يا ناس بعـــــيون المـها
مــن تــقـدم لـــه غــــــــدا ابوها يزود *** يحسبا سلعه تجــاهـل ضلمها
لأو بوسط البيت يوجد لـــــه وجــــود *** مــسـتـقــلوا بنت مـاتت امـهـا
مـــن يــــواسيها مـــتى تلقـــي ودود *** عــاتـــي الحـــرمان جدد همها
كيأف فيها الروح تطوي بالحـــــود *** مابـكـم شخصا بعطفه ضمها
خلـو العانس على عـــــالي الســـدود *** مـاتحــدد فـــي حياتها حلمها
::::::::::::::::::::::::::::::::::::::::
(( خــذي لــك الجنــــه ))
خـــوذي لك الجنه وخــليـلي النـار *** لصـار هـذا كـل مـا تشــتـهـيـنـه
بس دبلــتــي تبــقى في بيسراك تذكار *** ارجوك دايـم بصبـع تلمسينــه
انا عطيتك من هوى القلب مقــدار *** يكفــي لـكــل الـنـاس لـو تقسمينـه
ترفقي بالي خضع لك بالاعــــذار *** خليــه يسعـد مـن بـاقـي سنــيــنــه
لا شك اشوفك مــن تعطيني لنـار *** الفــرق واضـح بـيـنـنـا تـعـرفـيـنـه
انت الحياة للي لـــها قلب يختـار *** ياـبنـت والله لــو بـعـد ماتـبـيـنــه
لاتجبريني أترك الأهــــل والـدار *** يانسـمة تــدفـــي الــفـــؤاد بـحنـينــه
::::::::::::::::::::::::::::::::::::::
(( تــكــرار العـــذر ))
ماقهرني غير تكرار العذر *** واحسايف ظالم حتى الظروف
ياما في دربك تجرعت القهر *** وانت بحساسك عديم ما تروف
ياقليل الحظ لو صبري بحر *** كان جف وقلبك القاسي يشوف
عش معي باحساس لحظة بالعمر *** عش معي قبل الوفا بي مايطوف
تكفا لاتقطف ورق حب خضر *** حب صافي مرتوي فوق الوصوف
:::::::::::::::::::::::::::::::::::::::
(( حـــدي معـــك ))
حدي معك يابن الكرام *** عفت الموده والغــــــرام
ماعاد يلحقني مــــــلام *** انـا وصلت المنتهـــــــى
هذا حب اخر زمـــــن *** بس المظاهر والكــــلام
مسكين ياراعي الغرام *** يموت وهوا ماهتنـــــى
ماعاد عندي لك سنـع *** الـــــــي عملته مانـفـــع
لما استبد فيك الطمــع *** حتى المحبه اجهلتــــها
خل الي غرك ينفــــع *** حبه وخذ قلبه معـــــك
حب واحد ماأقنعــــك *** من عندي الحب أنتهى
::::::::::::::::::::::::::::::::::::::::
(( لآ تـنـشـديـــنـــي ))
لاتنشديني ياعيوني عـن الـــنـوم *** ترى السهر دايم مرافق حياتـي
لاتنشديني عن هوى العام واليوم *** ترى الهوى بعيوني الساهراتي
لاتنشدينـي لاتقوليـن مـــهمــــوم *** ترى همومي قربتلـي وفاتــــي
لاتنشديني عن حياتي تـرى دوم *** أرجي الأمل بيامي المقبلاتــي
لاتنشديني ماحصل شي مقسوم *** والمقبلات أكثر من المقفياتـي
::::::::::::::::::::::::::::::::::::::::::
(( نـــظـــرتــــك ))
نظرتـك فيهـا مآسـي نظرتـك *** اودعاية حب مدري وش تكـون
فيهـا ميـزات عجيبـةغرتـك *** من لمحها ضاع في عشق وجنون
لانويت أنسـاك هلـت عبرتـك *** لابغيت الوصل ميعـادك يخـون
الوكاد احـزان عمـري سرتـك *** وللمظاهر صرت بظروفي حنون
فـوق آلـم تعالـت شهـرتـك *** وعذابي كيـف غرتنـي العيـون
::::::::::::::::::::::::::::::::::::::::
(( فــعــلاً أنا يــوم حبـيـتـك ))
فــعــلا أنـا يـوم حــبـيـتـك *** ما ضـنـتـي أنــك بـتـنـسـانـي
هــذا الـجــزا يــوم صافيتك *** شــبـيـت بــالــقلــب نيراني
دعــبـت قلـبـي عـلى كيـفـك *** نـوم الـمـلا مـا بـعـد جـاني
أنــا عـلى الراس حـطيـتـك *** وأقـــول يـا نــاس صـافـانـي
لـنـمت بالـلــيـل لاقــيـتــك 000 وأسـمـك دواهم على لساني
بالحـيـل أنـا يـوم حبـيـتـك *** مـحـدن بـنـاوي بـهـــجــرانــي
نــاديــت يا مهجتي طـيـفك *** هــذي تــحـــدى تـــعـــدانــــي
درب الــخــطــر فيه ماشيتك *** والـــحـــال دايــم بـنـقصاني
راعـي الـهـوى هو دخـل كـيفك *** تـلـقـاه بـكـره مــــع الــثـــانــي
:::::::::::::::::::::::::::::::::::::
(( الأمـــــانــــــي ))
أنا ماأقول الا عسى اللي بلاني فيـك *** يسلط عليك من البشر جاهلـن قاسـي
يوريك ظلم الحب يلعب ويضحك فيك *** مثل مالعبت انت على القلب واحساسي
ترجى ترجاني وصدقك واثـق فيـك *** وذكرك بايـام بهـا زدت وسواسـي
وقفي عنك وقول لك دين وأبي أوفيك *** حقوقك جميعة لاتحسبـاً لهـا ناسـي
اجازيك بالقسوة ولا اني ابرافقفيـك *** مثل مارميتن بين همـي وهوجاسـي
غدرت وجزاك القدر والصد مايكفيـك *** عسى غربتكعني أبـد مابهـا ناسـي
::::::::::::::::::::::::::::::::::::::::
(( أنـــثـري دمعـك ))
أنثري دمعك على الماضي السعيد *** وأدعي قلـب لغيـرك ماوفـى
أتركي ظلمـك وحرمانـي يبيـد *** وباخر اللحظات من حبي اختفى
أبعدي عني وانـا برحـل بعيـد *** وماصفى قلبك لحبـي ماصفـى
صدقـي دمعـي ماظنـه يفيـد *** وصدقي قلبي من الهجر اكتفـى
صرت أنا ماضيك روحي للجديد *** اللي على يمناك من عقب غفـى
عـادة الأيـام تأخـذ ماتعـيـد *** ولابد من وقت يكشـف ماخفـى
::::::::::::::::::::::::::::::::
(( قــصــتــي باللـــيــل ))
قصتي بالليـل تكتبهـا النجـوم *** فوق صفحات السمـاء بشراقهـا
بحروف الأحزان وسطور الهموم *** خطوة الواقع من اقصى اعماقها
هي وليف المغرم اللـي ماينـوم *** كـل عشـاق السهـر عشاقهـا
مستريح البال محـد لـه يلـوم *** عنـده الدنيـا سـوى وفراقهـا
وهني اللي من العقـل محـروم *** ماعرف نـار الجفـا واحراقهـا
:::::::::::::::::::::::::::::::::::::
(( أشــوف اليــــوم ))
أشوف اليوم في وقتي عجايب *** واشوف الناس بحالن عجيبه
لقيت اللي بكا موت القرايب *** وبكه حسره على موتت قريب
أشوف اليوم في وقتي عجايب *** واشوف الناس بحالن عجيبه
لقيت اللي بكا ماله صحايب *** وعلى درب النقاء خانه صحيب
أشوف اليوم في وقتي عجايب *** واشوف الناس بحالن عجيبه
لقيت اللي شكاء هجر الحبايب *** ومن الهجران يشكي من حبيب
أشوف اليوم في وقتي عجايب *** واشوف الناس بحالن عجيبه
وأشوف كل المنا ياسهم صايب *** واشوف الموت داخلٍ به يصيـبه
أشوف اليوم في وقتي عجايب *** واشوف الناس بحالٍ عجيبه
كـفانا الله من شر المصايب *** حــياتي اليـوم واقعها مصيب
::::::::::::::::::::::::::::::::::::::::
(( وش بــلا الدنيــا ))
وش بلا الدنيا تفرق ماتلم *** كل يوم تاخذ وتمحى حبيب
مابقى غير الحساد وياالألم *** مايزورك عم اوجارٍ قريب
العقول اتبدلت صرت عدم *** والصادقة تجي لأهداف وتغيب
راحت ايام التأخي والكرم *** اهدروها والوفااصبح غريب
ما يفيد اثر التحسف والندم *** بشتكي للي على العالم رقيب
:::::::::::::::::::::::::::::::::::
(( يـآبـقـآيا الأمـــس ))
يابقايا الأمـس دام انـي نسيـت*** ماابي يبقى اثر من اللي لفـات
ودي اكمل دربي اللي قد بديت*** بالأمـل أشـوف فـي الفـرح آت
صورته بالعيـن نادتنـي وجيـت*** رافقتنـي فـي طريـق الأمنيـات
كل صفحة ياه مـن نـورة لقيـت *** يمسح النسيان سود الذكريـات
كـل ليـل أظلمـت خـلـوه مـيـت *** كم من الخطـوات عيـت مقبـلات
يابلابـل غـردي فـي كـل بيـت*** رددي ليل الآسى والخوف مـات
:::::::::::::::::::::::::::::::::::::::::
(( غـــريـــبـــه ))
غريبة يـوم شفتـه يرتجينـي *** ودمع الشوق من عينه تهامل
بعد ماشفـت ماسـواه فينـي *** أحسبه في كلامة لي يجامـل
ولكن صار صادق نور عينـي *** شبيـه البـدر لامـنـه تكـامـل
انا كنت احسبة وينه وويني *** وربي جابني ماكنت انا أمل
::::::::::::::::::::::::::::::::::::::::::
(( أبــــكــي وأصـــوت ))
أبكي واصوت ياهوى البال وينـك*** ليتك تجـاوب صرخـة الميّـت الحـي
مشتـاق لـك ودي تـعـاود حنيـنـك *** جعل الموده تجلـب لعينـي الضـي
دامك صغيـر اغنـم حـلاوة سنينـك*** وراع الوشايه لانـوى يقربـك عـي
الموقـف اللـي صـار بينـي وبينـك*** أنسـه تـرى والله مايعتـبـر شــي
عالج جروحي فـي طـراوة يمينـك *** ترني مريض ولانفع جسمـي الكـي
سحر الغـرام اللـي بنظـرات عينـك *** ماظنتـي يقـدر عليهـا جبـل طــي
بـه جاذبيـه شكّـلـت نـصـف زيـنـك*** قتلت الشهيد اللي توفى وهو حي
::::::::::::::::::::::::::::::::::::::::
(( شــمــسنــا غــابــت ))
شمسنـا غابـت وغطتهـا الغيـوم*** وغابت نجومٍ ضياها فـي سمـاك
الـقـدر بــدل سعـادتـنـا هـمــوم** وأضلم بدنيا شعاعـه مـن ضيـاك
ومركب الأشواق في بحرك يعوم*** في مجاديف الشقى يمشي وراك
ما طـواه اليـأس إلوصلـك عـزوم*** لو تروح الروح روحي من فـداك
إنت بدري إنت شمسي والنجـوم*** جامـعٍ زيـن الخلايـق فـي حــلاك
يا شعاع الكون لـي فيكـم لـزوم*** لا تخيـب خافـتـي يـومـه رجــاك
يرتجي وصلك عسى وصلك يدوم*** قبل مـا ترحـل بنـا دنيـا الهـلاك
أنتظـر يـا أبـو محمـد كـل يــوم***يالمحيسـن أنتظـر نــور الـمـلاك
شمسنـا غابـت وغطتهـا الغيـوم***وغابت نجومٍ ضياها فـي سمـاك
:::::::::::::::::::::::::::::::::::::::::
(( حــركــت فــينــي المشـــآعـــر ))
حركت فيني المشاعر واختفـت *** وتركتنـي بحيرتـي وامواجهـا
واعذابـي كانهـا منـي اكتفـت*** كيفهـا دنيـاي غـاب سراجـهـا
شمعـة نـارت حياتـي وانطفـت*** كنت أظنه هي حياتي ودادهـا
أحكمت بالبعد روحي ما نصفت*** وش حـيـاتـي بعدهامحتـاجـهـا
لاخبر منها ورسايـل لـي لفـات*** ما سئلت عن حالتي وش جالهـا
أنتظر بلك الخطـا منهـا عرفـت***عـودت تحمـل لروحـي علاجهـا
:::::::::::::::::::::::::::::::::::::
(( تــحــرك بـجسمـي شـوق ))
تحرك بجسمـي شـوق قلبـي لخلانـه *** وضاقت بي الدنيا ولا في يـدي حيلـه
اجامل وكـن العيـن ماهـي بشفقانـه *** شوفـة حبيـبٍ مانويـنـا بتبديـلـه
اسولف بعد واضحك وانا الروح حزنانه *** وبيّـن هنـاي وعلتـي متعـبٍ شيلـه
لجل عين من حبيت وصلـه وتحنانـه *** يهون العذاب وروعة الحب فـي ويلـه
ألاياهلـي لاشفتـوا العيـن سهـرانـه *** تروني اسامر طيـف خلـي واراعيلـه
كانه بكت والدمع حـرق لهـا اجفانـه *** نظرها حبيبي يوم هـو غـاب تبكيلـه
تناسوا وغضوا الطرف ماجور من صانه *** ولا تعذلونـي بغرامـه وكلـي لــه
تحرك بجسمـي شـوق قلبـي لخلانـه *** وضاقت بي الدنيا ولافي يـدي حيلـه
:::::::::::::::::::::::::::::::::::::
(( أنــا المــظــلــوم ))
يجيلك يوم تعرف وش نصيبي *** بهالدنيا وتزهق من نصيبـك
مع الايام انا اتحـري حبيبـي *** ومن الآلام يشكيلـي حبيبـك
انا المظلوم والظالـم قريبـي *** انا الخسران ليش اني قريبـك
انا المجروح وقليبي عطيبـي *** ياليت الجرح لو ساعه يصيبك
ياليت الللي تسبب في تعذيبـي *** يزورك يوم واسمع بتعذيبـك
عساك تشوف من وقت المغيبي *** ألين الصبح ماشفتـن مغيبـك
طوال الليـل ماهـود نحيبـي *** حلوم الليل للذكـري تجيبـك
يجيبك يوم تعرف وش نصيبي *** هالدنيا وتزهق مـن نصيبـك
::::::::::::::::::::::::::::::::::::::
(( ليــه تبخـــل ))
ليه تبخل في كلامك يا فتون *** ماتداري عاشقن قلبه هواك
عذبن فيك التغلي والضنون *** ياغزاله وضحي لي وش وراك
طبعك القاسي ملىء قلبي شجنون *** ماحصل يومن اتوجه بلقاك
لاطلبت الوصل منكم تبخلون *** ياخساره عز مجلسنا معاك
ياحياتي عندنا ما ترخصون *** لو جفيت القلب يسعى في رضاك
:::::::::::::::::::::::::::::::
(( لآ تســألـيــنــي ))
لا تسأليني مات في الحب عهدي *** وذكراك قفت به نسايم هواها
ماعاد لي عندك ولا عاد عندي *** صبر يوصل كل روح ابمناها
ايام مرت يحرقن منك وجدي *** وانا احمدالله يوم قلبي نساها
ماعاد لي بي شف لا لا تــردي *** تكفي جروح في ضميري خفاها
اقدر النسيان واقوى التحـــدى *** فرقاك عن عين المولع دواه
::::::::::::::::::::::::::::::::::::
(( رد لــي بعـض المــوده ))
ردلي بعـض المـودة يابخيـل *** لاتخلي القلب يتعب في هـواك
ماوراء ياما من الليل الطويـل *** سهرت عيوني وحلمت في لقاك
ليت قلبك فـي وداده مايميـل *** مثل ما قلبي تخيـرك وبغـاك
اعطني حبك قبل وقت الرحيل *** لامتى تبخل علينا في رضـاك
كان قصدك تمتحن عندك دليـل *** شف عيوني كم بكت سبة غلاك
منك شفت احراج ماهوبالقليـل *** واحتملته خايف يكبـر جفـاك
:::::::::::::::::::::::::::::::::::::::
(( كــلمـــتــنــي ))
كلمتني بعد ما غابت سنين *** و سألتني عن بقايا الذكريات
و أرتعش قلبي و سمعها الأنين *** و من بعدها ما تهنى بالحيات
قلت يا بنت أتركيني وش تبين *** و الغلا يا بنت مني سال و مات
يوم بالهجران ترميني سجين *** ما شفعت لي عندك أغلى الأمنيات
تفرحين ليا نظرتي لي حزين *** و تبعدي عني مجاديف النجات
عــــزتي للنفس فوق اني الين *** مــا هفا قلبي بساق المقفيات
::::::::::::::::::::::::::::::::::::::
(( كـــان صمــتـــك ))
كان صمتك ليل وأشواقي قمر *** والقمر يحوي ليلك في سكون
نور اشواقي تلاشا وانكسر *** ماقدر يكشف متـهات الضنون
يوم شفت الحب في دربك عثر *** حرت مدري احساسي يكون
صار صحرا واصبح احساسي نهر *** والامل غيمه والاحلام عيون
كل مابي من شعورك اصبح قهر *** الجفاء طبعك وانا طبعي حنون
ضاع في صحراك نهري والمطر *** أخفت المعان احاسيس الغصون
::::::::::::::::::::::::::::::::::::::
(( يــوم رآح اللي قـلـبي ))
يوم راح اللي على قلبـي يمـــــــون *** ابتدى مشوار حزنـي والضيــــاع
كيف ابنسى صاحبي زين العـيـون *** كيف اببلا صاحبي زيـن الطبـاع
ماحسبت الوقت بالفرقـا يخـــــــون *** يبعد المحبوب في زيف وخـداع
في فؤادي زاد شكـي والضنــــــون *** ماألوم القلب فـي يـوم الــــــوداع
صدك اللي حط في صدري طعون *** في غرامك انهزم قلـب شجـــــاع
:::::::::::::::::::::::::::::::::
(( فــي فـــؤادي شــوق ))
في فؤادي شوق وبعيني ذهول *** عقبكم ماكن بالديرة احــــــــــــد
يادواي وداي صدّق مااقــــــول *** غيرك من الناس ماقام وقــعـــد
فرقتك منها طوى جسمي نحول *** والليالي بغيبتك صارت نـكــــــد
وعسى ايام السفر بك ماتطول *** مااحتمل فرقاك قربك لي سـعـــد
إيت إمسح دمعتي عند النزول *** لاتشوف الناس بي قل الجــلـــد
بي بقايا صبر بغيابك تـــــزول *** كل شيء إلا انت ماقوى عنك اصد
:::::::::::::::::::::::::::::::::::::::
(( مــثـــل الذهــب ))
مثل الذهب مهما علا فوقه غبـار *** يبقى طوال الوقـت سلعـه ثمينـه
مثل المطر مهما المطر سال مدرار *** لو غاب عام صاحوا الناس وينـه
ومثل البحر غلطان من قال غـدار *** موجه تساوى لكل طيـر وسفينـه
ومثل اشتياق الأم أنا أشتاق للـدار *** شوق العمى للشوف بصبي عينـه
دار سكن فيها السناعيـس تنـزار *** غصباً على اللي جاحداً في حنينـه
دار الشرف والجود داراً للاخيـار *** مشاعري وإن جيت أعبـر دفينـه
للضيف فيها قدر وحقـوق للجـار *** محداً ينام ونفـس جـاره حزينـه
طبايع لأهل الجبل كبـار وصغـار *** نفطـم عليهـا كلـنـا خابريـنـه
أقولها ومهما الزمن جـار أو دار *** حايل مـع الأيـام يـزداد زينـه
:::::::::::::::::::::::::::::::::::::
(( أشــرقـــت دنيــاي ))
اشرقت دنياي من بعد الظـلام *** وانبرى جرح بقلبي من سنيـن
واهتنيت اليوم في حلو المنـام *** والسعادة أصبحت لـي تبيـن
في سماء حبي ظهر بدر التمام *** وانجلاً اهموم عن قلب حزيـن
كم تلوع خافقي بدنيـا الغـرام *** كم قضيت الماضي بحزان ونين
احترس من عاذلي بنقل الكلام *** وسرنا يالترف مـاودي يبيـن
ياربيع العمر ياحسـن القـوام *** بالوصل داويت جرح بي دفين
:::::::::::::::::::::::::::::::::::::::
(( مـن تكــون اللي ))
من تكون اللـي حياتـي لجلهـا *** من مأس الجرح لطياف الامـل
من تكون اللـي سكنـت بقلبهـا *** مالي غيري في تباريحه محـل
من لها غيري ومن لي غيرهـا *** لا حظرت اصبحت أنا كل الاهل
رمز حرف العين بادي بسمهـا *** لو يراها فاقـد الحـظ احتفـل
هزني والهـم شعـوري حبهـا *** وحب غيري صابها عنـا جهـل
يا رسـول الحـب عنـي قلهـا *** صوب حايل قلبي العاشق رحل
وإن شـآء الله بنــزل البــآقـــي قــريــب
وأتـــمــنى إنهـــآ نــآلت أعــجــآبـــكم
تقــبــلـــو تحيـــــــــــــــآتــــــــــــــي
قــحــطــانــيــهـ حـــلاهــا غــيــــر..

قحطانيه حلاها غير

تسلمين على كلمات اغاني الفنان فهد عبد المحسن

وننتظر المزيد من جديدك القادم

الامير هاجس

شكرا على مروركـ..

مــ,,ع التحيهـ,,

قــحــطــانــيــهـ حـــلاهــا غــيــــر..

يسلمووووووووو

فتى نجد..

شكرا على مروركـ..

مــ,,ع التحيهـ,,

قــحــطــانــيــهـ حـــلاهــا غــيــــر..