ابيات الأمير هاجس الرومانسية

	عاد الهنا والسعد قـد عـاد ويّـاك ساعة رجوعك عاد سعـدي وهنايـه حيّـاك يـا سيـد الغناديـر حيّـاك اليـوم عنّـي زال همّـي وأسايـه حيّاك مـن قلـبٍ يحبّـك ويهـواك يا نور عينـي انـت غايـة منايـه ردّيت لي روحي عسى الروح تفداك يا بعد روحي رجعتـك لـي كفايـه أسعدتنـي وأسعـدت قلبـي بلقيـاك يا بعد روحي يـا هـواي وغلايـه سبحان من كمّـل جمالـك وحـلاّك فيك الحسـن والزيـن للنـاس آيـه شروات شمس الصبح طلعة محيّـاك عجبت من شمس اشرقت في مسايه!! ما حد في عيني من الغيـر يسـواك ما لي بغيرك يا منى القلـب حايـه انت الحبيب اللّـي فـؤادي تمنّـاك وانت الذي حبّك رسخ فـي حشايـه عسى الفرح دايـم تشوفـه بدنيـاك عسـاك تهنـأ فـي حياتـك معايـه خلني أطرّز ثوب سعـدي بلامـاك وأقول للأحـزان: روحـي ورايـه

 

يا دمعة المشتاق على خد محروم=يا نارٍ بجوفي احرقني شررها


متى يا قلب تكف عن الهم واللوم=والعين متى أفرح بوقفة دررها


أشتاق لك يا دافي الصوت كل يوم=يزيد شوقي ونفسي يزيد قهرها

قالوا الهوى والعشق عادات وسلوم=يا كيف بنهى نفسي وهذا قدرها

ارحم حبيبي يا عسى الهنا لك دوم=ارحم عيوني من تزايد سهرها


ارحم هوى قلبٍ بك اليوم مغروم=لا تكسره يا نور عيني ونظرها


قلبٍ ظلمته انت وبالحب مظلوم=وروحٍ لك تعطي عشق أعذب نهرها


نذرت لك نفسٍ عن الحب بتصوم=عن حب غيرك ولا فطرها في قبرها


تدري حبيبي وش هي منيتي دوم؟=أنسى بحضنك حزن الدنيا وكدرها

 

بيني وبين الشعر قصـه وسيـره من قبل ما آصل حد سن البلاغي يوم اني أكتـب كلمـةٍ مستثيـره نالت من الاعجاب ناس ٍ نباغـي نوابغ ٍ بالشعر مـا شـي غيـره قالوا تراك اليوم يا خوك طاغـي طاغي شعر كلمه عليّـه خطيـره أخاف تبقى مثل وضع الصماغـي من بعدها شعري تفـوّح عبيـره والشمس عندي معلنـه للبزاغـي والحمد لله مـا كتبـت الضريـره ما في قصيدي شي عدّوه زاغـي أدري علام الناس تنظـر بحيـره تقول أنا توي صغيـر ٍ شجاغـي ما هوب كيفي أكتمـه بالسريـره في وسط جوفي ينتزغني نزاغـي يجول في جوفي ومعـه الذخيـره خطر ٍ عليّـه لا يجينـي دواغـي من جل ما بي من مواهب كبيـره أكتب لي أشعار ٍ لذيـذة مساغـي شعر ٍ كتبته دون كسـر وكسيـره شعري وأقوله في جميل الصياغي اليا قريته ما عِـرف لـه وتيـره صعب المعاني مير سهل المضاغي شعري تفسره الرجـال الخبيـره اللي تميْـز الحاليـه والملاغـي للشعر وسط القلب مسكن وديـره والديره الأخـرى خلايـا دماغـي وبحوره الحلـوه تراهـا عشيـره عشيرةٍ ما هيب عشـرة فراغـي أحببتها حـب المهـاوي لطيـره وأفخر بها مثل الفخر بالشماغـي جتني بحوره تستحـث المسيـره وأرغمت راحلته بشـد الرساغـي مسحوبةٍ جتكم بحنـك وبصيـره حطت وسط قلبي كبار المراغـي قاف ٍ نظمته ما يبي لـه جبيـره يطرب له اللي منهـزم للبهاغـي لا من قريت القاف ماأطلب فخيره ماني من اللي بالقصايـد يثاغـي واليا بريت القاف غصب ٍ أديـره لين يتماسك مثل مسك البراغـي وان ماضبطت القاف شره وخيره قاموس شعري صار هاليوم لاغي قصيدتي لا جـات جتكـم أميـره متبختره فـي زينهـا والبلاغـي أحدٍ مدح بالقـاف وأحـدٍ يعيـره وأحد ٍ يسب بهرجةٍ فـي تناغـي لانه بعض هالناس مقهور غيـره دايم لسانـه بالنميمـه يشاغـي كلما سمعها قام يصلـى سعيـره يقول يا ربـي عسـاه اللتاغـي همّه يقول الشين في كـل عيـره عـذال والعـذال تبغـى دباغـي ما احب أنا شوف الوجيه الحقيره حطت سماة الخير مثل الصباغـي محبتي شـوف الوجيـه المنيـره لشوفة الاجـواد شفـق ٍ وباغـي وختامهـا منـي صـلاةٍ كثيـره على الـذي بلـغ وزاد السباغـي

 

أحبك وأعترف أني ملكني حبـك ومغليـك
........غلا حرك أحاسيــسي ومشاعر فيني مدفونـه

زرعتي داخلي حبآ حشا مايقبـل التشكيـك
.........ومن بادلني اشواقي احبه حيـل واصونـه

كبر حبك بداخل قلب من اشواق الغلا يعطيك
..........تفننتي بدرب الحب يأحلـى واروع فنونـه

بنيتي قصرك الشامخ بقلبآ لك مولـع فيـك
.........توحدتي بوسط القلب وكل النـاس مركونـه

حياتي ما لها معنى قبل مايمرنـي طاريـك
.........لقيت ان الفرح انتي وصرتي للهنـا لونـه

مكانك محدآ ناله ومفاتيح الغلا فـي يديـك
.........فتحتي قلبك لخلك وسكنتي داخـل عيونـه

وعد ما أنسى محبتنا ولا تنسي غلا مغليـك
.........وعد من عاشقآ حبك وصرتي بحبك جنونه

نويت أكتب قصيدة حب وكل معنى بها يعنيك
.........وتأخرت في كتابتها ابيها فرصة مضمونـه

هدية عيد محبتنا وانا أدري ماهـي تكفيـك
.........ولو أقدم عيوني ما وفـت الغضـي ديونـه

 

عيني ع ريم العين تربى لي في حشمْ لبيوت رابي خرّد تغنّـد حلـو لصْبـا صافي شرا بزغ الحيابـي درّ وتبر وألحـاظ لظْبـا رعبوب تركي ف الروابي تقصر وصوف الألْف والبا في وصف راقين الجنابي مثله ندر شـرقٍ وغربـا نوره سفر بين السحابـي لـي مثـل هـذا ماتغبّـا عنّا يلو شـرّق وغابـي نمشي لهم فالحب غصبا لو بالرضى باتيه حابـي إيدي ع بابه هوب عضبا عن غيرهم تبّـت يَدابـي قلبي ع زقر الحـب لبّـا وأشنَ الهوى بي واعذابي لو بلتجي عنّه ف لخْبـا ضيّـج عليّـه لرتحابـي شوفوا مصابي م المحبّـا يوم إستهل بي وإلتوابـي تحت إلبسه جنّات لسْبـا تحت إلبسي نار إلتهابـي يالسنقباسي لـي تربّـى في مهد يوفي وإلتهَى بي عيّيت كم أصـوّخ أنبـا وآنادم هْبـوب الغرابـي