الأنيقة

ذكريات قديمة
نسايم صيف هزتني وضـوت شمعـة الأفكـار
تذكرنـي بزمـان أول ، وذاك البيـت وجـدودة
تذكرني بروايح هيل ، تعطر كل زوايـا الـدار
وحنـا صغـار تجمعنـا ، سوالـف أمنـا العـودة
كـان الحـوش يترقـب ، وينطـر جّيـة الـزوار
كان القلـب مـا يحمـل ، غيـر أحـلام محـدودة
كانت سدرة الفرحة ، تظللنا وحنـا صغـار
تخلي كـل أمـل أخضـر ، يتمايـل علـى عـوده
وكنا أثنين نتعشق ، نتعاتب ، نخـش أسـرار
نروي للهـوى قصـة ، عمرهـا أيـام معـدوده
كانت نظرتـك تجـرح ، تـداوي وتشـب النـار
تخلي قلبي لصغّيـر ، يعـزف لـك وتـر عـوده
صارت فرحة أفادي ، أغاني للهوى وأشعـار
تفضح لهفة العاشق ، وتسقي الحب ووروده
أذكر ضحكـة عيونـك إذا سفّـر قمرهـا وغـار
تفتـح للفـرح فينـي ، كثيـر أبــواب مــردوده
ويـن الحـب وأحبابـه ، ويـن الليـل والسمـار
ويـن عيـون تتريـا ، ربيـع الحـب ووعــوده
وين الّلي ملك قلبي ، وودعني بـدون أعـذار
وخلى كل فرح عمري ، يصير أحلام مهدوده
ما أقدر على الذكرى إذا نسنـس هوايـا ودار
يذكرنـي بروايحكـم ، وريحـة بيـت وعهـوده
صار الوقت يجرحنا ، ويجرح صورة التذكار
راح الحـب مـا ظلـت ، غيـر أيامنـا الـسـوده

يد الخير

مسائك عباد الشمس

تسلم الأيادي على الأبيات المتميزة

وصح الله لسانك .. هكذا قالتها روحي

مع حبس الأنفاس

لك الود والورد

الأمير هاجس

يسلمووووو على القصيدة الرااائعه
الله لايحرمناااااا منك يالغلا


أح ــترامي
نــونــي

صح السانك وسلمت اناملك


ع القصيده المميزه

سلمت يمناك

على القصيده الرائعه

يعطيك العافيه

يد الخير
تحياتي لك