تكفين يمه.. خلي الباب مصكوك

السلامـ عليكمـ ورحمة اللهـ وبركاتهـ ،،

قالت لي امي ياولدي شف شبابك
وارفق على نفسك ترا الناس شافوك

شافوك متغير وحاضر غيابك
ومتشتت فكرك وللهم مملوك

وقالت لي اسمع كنت احس بصوابك
ابكي دموعي هم واشكي على ابوك

كنت ارتجي ظلك وماطر سحابك
ونسمة هواك اتشيل عن دربي الشوك

ارضى عذابي لجل اشتت عذابك
مابي تحس انك اذا طحت متروك

عهد الطفولة كنت احضن ثيابك
لارحت تدرس وانتظرهم يردوك

واشرب بقايا مابقا من شرابك
لارحت مستعجل وخايف يخلوك

اساعدك تحفظ.. اجلد كتابك
اضمك ان رديت متعب ومنهوك

اليوم ليش اليوم زاد اكتئابك
واللي يبونك.. من سواياك عافوك

لاياولدي ارحم فؤاد حيابك
لاتقطعه احزان. وجروح. وشكوك

قل لي علامك قافل اليوم بابك
عن ربعك وناسك كفا باب مصكوك

والناس اللي تحرق لهم مابقابك
مااظنهم كثر الذي فيك حبوك

ابسألك وانطر حبيبي جوابك
تدري بأن الناس مافيوم حسوك؟

امسح دموعك لايخيب الرجابك
منت الذي يضعف وينهار ارجوك

واقفت... وانا ساكت وفكري متشابك
وجسمي كأنه بالسياجات مشبوك

ناديتها يمه.. ذبحني عتابك
تكفين يمه.. خلي الباب مصكوك


مسروق سرقاً مبرحاً

<القصيدة حلوة تكفين يمة خلى الباب مصكوك >
يعطيك العافية وحلوة مسروق سرقا مبرحاههههههههههههه

هلا قموره ،،
اسعدني مروركـ،
تحيتي لكـ،

تسلمين على القصيده

الرائعه بكلماتها ومعانيها

تقبلي مروري وشكري

يعطيك الف عافيه نقل الرائع
ولايحرمنا منك يالغلا
نتظر جديدك
تحياتي