*ابن المغربل*

مسااااء الخيرات
جيتكم اليووم بقصة من خياااالي
انشاء الله تعجبكم
لاتنسووني من الردوود
******************************************
كان في وااحد مغربل (شغلته مغربل) عنده ثلاث بناات وولد..لماا قرب
يمووت قال لولده:ياولدي لوو تبي رضاي عليك نفذ وصيتي لك بالحرف الوااحد...قال الولد آمر يبى قاله :شووف بعد ماا موت بيجيك وااحد يقولك عطني الامانة اللي تركهاا آبوك معك تقووم تعطيه
آختك الكبيرة بشنطة ملابسهاا..وبعدهاا بيجيك شخص ثااني يطلب
الامانة تقوم تعطيه آختك الوسطى...وبعدين بيجيك آخر واحد وتعطيه
آختك الصغيرة.........قاال الولد: بس يا يبى آخوواتي هم اللي لي بهالدنياا وشلون آعطيهم للاغرااب وآعيش اناا وحدي......قال
الابو:هذي وصيتي ان كان ودك رضااي!
وبعد ما مات الابو بآياام قليلة حضر الرجل الاول وبعدة الثااني وبعدة الثالث.......ورغم ان الاخوات كانوا يصيحون ويرفضوون..بس كان
هو يعتذر منهم ويحااول انه يفهمهم انهاا وصية الوالد وهو مااله فيهاا ذنب.....وبعد ماارحلت آخر وحدة من خواته...بقى هو وحده
ضاايق ومهمووم وموبعاارف وش يسوي بعيشته.
وفي يوم ..زاره رجل عجووزمن جيراانه وقاله:ياولدي انت لازم تشتغل عشان تعيش.....قال الولد : آدري يااعم بس وش آشتغل.....
قاله: الحين غرباال آبوك موجود وتقوولي وش آشتغل؟؟؟
طبعآ مغربل مثل آبووك.......وهذي ترااها صنعة ابوك واجدادك....
آقتنع الولد..ورااح فتح محل آبوه..وقعد يغربل الحب للناس قبل لا
يطحنونه عند الطحاان.
وفي يووم وهو يغربل الحب آقبل عليه طير مزخرف وجميل جدآ مااشاف له مثيل وظل هذا الطير يحووم حوله ثلاث مراات وكل مرة
يفكر يمسكة ويعود يبطل......وفي الآخر مسكه...صاار الطير يغرد
تغريد جميل وبصووت عذب.......شوي جاا وااحد يهودي يبي ..
يغربل الحب اللي معه........وشااف الطير..قال للولد تبيعني هالطير
باللي تبيه من فللووس...قاله الولد:لا..صار يرفع اليهودي في السعر
لين مارضى الولد وباعله الطير.
تم الولد يفكر ويفكر ويسآل نفسه:شلي يخلي هاليهودي يدفع هالقد من المال في طير مثل هذا...؟ آكيد الآمر فيه سر خطير!
رااح الولد على بيت اليهودي ودق الباب, ردت الخاادمه,واليهودي ماكان بالبيت, قال الولد للخادمة:يقولك سيدك آعطيه الطير........
الخااادمة صدقت وعطت الولد الطير...
صاار الولد يفحص الطير ريشة ريشة بس ماالقى شي..صاار يفكر
قال بذبحه وشووف بطنة..جاب سكين وذبح الطير وشق بطنه وصاار
يدور فيهاا..وفجأة..شعر بشي قاااسي داخل البطن!!.....حااول يخرجه
خرجه لقااه خااتم!!!.........قديم ومفصص بفصوص زمرد مصدية
غسله وصاار يدعكة وينظفة.....الالالا مااشااف الا دخااان كثيربالغرفة
وسمع صووت غريب يقولة شبيك لبيك..عبدك بين آديك..أنااخادم
الخاتم وكل اللي تطلبة بين آيديك...............!!!
فرح الولد فرررح شديد وصاار يطلب قصر مشيد وجوااري وعبيد وجواهر ودرر وبساتين ورماان وكل هذا يبيه ببلاد الصين..كانت
كل طلبااته آواامر لباهاا الخادم في الحال...وسكن الولد بلاد الصين
بعيد عن غريمه اليهودي......اللي صاار يبحث عن الولد فبلاد الله الوااسعة من بلد ...لبلد.
وفي يووم خرج ملك الصين مع وزيره يتفقد البلاد ويتمشى وسط الغابات.......شااف قصر الولد..قام سأل وزيره:من اللي جا لبلادناا
وبنى هالقصر اللي مااله مثيل..قال الوزير:علمي علمك ياامولاي!!
لاكني برووح وآطلب ضياافته وآعرف من هو!!!
رااح الوزير للقصر ولاحظ انه مااله درج يطلعهاا..فدق الجرس
قام نزلتله سلالم من ذهب آتسلقهاا ولقى نفسه داخل القصر.......
آستقبلوه الخدم وضيفوه آحسن ضياافه وقابل صاحب القصر اللي قاله: انا كنت مريض وجيت بلادكم آغير جوو..قاله الوزير: مرحبااا
بك فبلادنا ومرت عشرة آيام والوزير يستمتع بضيافة الغريب وشاف
في قصره العجاايب!
وهو خاارج من القصر حملووه الخدم الكثير من الهدايا من ذهب وآلمااس وملابس وحرير وآواني ومدوا له سلالم من فضة نزل عليها
ورااح للملك يحكيلوا وهو مثل المسحوور!!!
قال الملك:اناا بعد لازم آرووح وآشوف هالقصر وصاحبه العجيب!
راح الملك ودق الجرس نزلتله السلالم اللي منذهب وطلع عليهاا ودخل القصر واستقبلوه آحسن آستقبال وضيفوه عشرة آياام بضيافة السيد الغريب وسمع الغناا والطرب اللي مانقطع وآكل من الطعام اللذيذ وشرب الشراب البارد اللي كان يتحضر بلمح البصر وانتهت العشرة آياام مثل الحلم ونزل بعدهاا من السلالم الفضة محمل بالهدايا
الثمينة...
وبعد آياام وجه الملك دعوة للسيد الغريب اللي لباها وهو سعيد
وهناك قاله الملك:أناا في الحقيقه ارتحت لك كثير يااولدي..واذا ماكان
عندك ماانع أناا آتمنى آزوجك بنتي الوحيدة.....آتقبل ابن المغربل
العرض وفرح وزادت فرحته لماا شاف الآميرة...لاكن الملك قال انه له شرط واحد وبسيط..قال الولد آطلب اللي تبي قال الملك: انت عارف
انهاا بنتي الوحيدة وأنا متعلق بها كثير وعشان ماا توحشني أنا ابيك
تبني مشااية بين بيتي وبيتك آزورها وتزورني وقت مانشتااق لبعض
والويل لك لوو يوم تقطعهاا عني..
بالفعل نفذ ابن المغربل طلب الملك واتزوج البنت وعااش معهاا بسعادة وهناا....
وفي يووم من الاياام كانت بنت الملك حاامل وبتتوحم وسمعت البيااع
اللي بيناادي على العنب والبلح...قالت آشتروا لي منه..نادوا الخدم البياع وسألوه عن السعر..قالهم أنا ماابيع بفلووس أناا آبيع بخواتم!
رجعو الخدم وحكولهاا قامت تدور بخوااتما اللي كانت كلهاا غالية الثمن........وفجأة تذكرت أن زوجها عنده خااتم قديم ورخيص وفصوصه مااتلمع وقالت:آيوه هو ذا وعطتهم الخاتم وراحوا للبياع وعطوه آياه اللي مااصدق اليهوودي خذاه وعطااهم كل البلح والعنب اللي عنده.........وراح اليهوودي يدعك الخاتم طلعله الخاادم ..وفكر اليهودي كيف ينتقم من الولد........فآمر اليهودي الخادم آنه يشيل المشايه اللي بين القصرين........!!!
شااعت الفوضى والغلبه في البلاد اللي سمعهاا آبن المغربل ورااح بسرعه يشووف آسبابهاا وفجأة لقى المشايه آختفت!!!!!!!!!!!!
آدرك الآمر بسرعه وقاال لو الملك مسكني رااح يقص رااسي......
وهرب آبن المغربل من البلاد وصاار يجري ويجري وكل مااشااف غباار قال هذولي هم بيقتلوني وصاار يجري مثل المجنون....وفجأة
لقى نفسه قداام ثلاث رجاال...حقق النظر فيهم لقااهم آزواج آخواته
أخذوه معهم لبيوتهم وشااف خواته وسلم عليهم وحكى لهم الحكاايه كلهاا..قلوا له الرجال الثلاث: ولايهمك..حناا بنسااعدك ونجيب لك الخاتم من اليهودي وفجأة آنقلب واحد منهم غرااب والثااني قط والثالث فأر وآنطلقوا لليهودي وآنقضوا عليه يعضونه ويخربشونه وينقرونه لين خذوا منه الخااتم وطااروا به للآبن المغربل وسلموه آياه................
ودع الولد خوااته بعد ما تطمن عليهم ودعك الخاتم وطلع الخاادم فطلب منه يرجع المشاايه مثل مااكانت ويخفي اليهودي تحت الآرض
ورجع على القصر وعاااش مع زوجته في بلاد الصين ..وبكذا كان
بر الوالدين السبب في آن آبن المغربل يتزوج بنت ملك الصين ويعيش معهاا احلى حياة ويخلفون صبيان وبناات.