اعز وجهين للشاعر خالد محمد العتيبي

ياللي ورى ركنك تلوذ المساكين
واسجد لمرضاتك واذلل جبيني
عبدك على عهدك ومدك بلا حين
وانا على بابك وتعلم كنيني
ازريت لا عدل كفوف الموازين
وازريت اسد الربع من عشر ديني
لبيه ثم لبيه لبيه واهلين
ياعز وجهين وثمرها سنيني
وابر واغلا ما تحلت به العين
واجل وابرك من اجيه ويجيني
واهلا ولو اهلا توقف مع اسمين
وقفتها ما بين الاسمى وبيني
واثنين ما افرق فالغلا ومتساوين
الاني افرق بين عيني وعيني
ليت انهم فالصدر حرز عن البين
والموت قبل يمرهم يحتويني
وعن واهج الرمضا ضلوعي بساتين
واليا وطوها زلهم راحتيني
اطيب وامرض واغضب العمر وازين
وانسى المجافي واجفى اللي يبيني
واحب واكره واحشم انسان واهين
في ذاتهم واقرب بهم مبعديني
واصل على رجوى رضاهم للقصين
واقطع بمبعدهم ولوه يميني
ولو ان عمري يصرف ايام واسنين
قسمت عمري عدل مع غالييني
واليا نزلت اقبل اكفوفهم لين
ساويت راسي مطلع الفرقديني
وانا فدا ماطى قدم جل الاثنين
من دون اقول اللي تحوشه يديني
وامين من جودك ومن جودك امين
يالله عسى الجنة جزا والديني
وسلامتكم..
هذه القصيده اللي شارك فيها بشاعر المليون ..
والله معـه ياارب

بنت السعوديه

أسعدالله مسائك

العيد عليك مبارك أنشاء الله بألف خير

تسلمين على القصيدة .. الجميلهـ

صح الله لسانك ولسان شاعرها

وننتظر المزيد من جديدك القادم

احترامي وتقديري


الأمير هاجس

صح بدنك ][®][^][®][الامير هاجس ][®][^][®][
ومشكور لمروركـ العطر

ماااشاااء الله قصيده ج ـميله

صح لسااانك يالغ ـاااليه ولسااان كااتبهااا

الله يووووفقه ياااارب

تقبلي مروري