قصيدة الشاعر حامد زيد العازمي الجمهرة

بسم الله الرحمن الرحيم

قصيدة الشاعر
حامد زيد العازمي
الجمهرة

إي بالله أخطو والخطأ اللي جابهم عين الصواب ** مبطي وأنا أشوف الطمع يكشف زادهم وأستره

مايملي عيون الحسود بهالزمن غير التراب ** ومن لايتوب من الخطا تحرم عليه المعذرة

اللي من أولها خراب أكيد تاليها خراب ** والبندق اللي ماتثور بهدفها تذعره

ودك ليا من جاتك الغلطة من الناس القراب ** الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره

صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره

ما فيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره

كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب أثمره

والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره

أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره

لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره

الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره

من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره

عقب اكتئاب البارحة ماعاد أنا حمل اكتئاب ** الطيب جرجرني و أنا مانـي بناقـص جرجـره

اللي يخاف من الضما يترك لنا طرد السراب ** واللي ما هـو بقـد الظـلام ووحشتـه لايسهـره

أنا تجرعت الضما لين أحترق وجهي وذاب ** أنـا كسـرت بخاطـري قبـل الصداقة تكسـره

أنا أكثر (إنسان) تعلم من كثر ما أخطأ وصاب ** أنا أخر (لسـان) يتكلـم فـي زمـان الثرثرة

جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره

شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهرة

ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره

ودك اليامن جاتك الغلطة من الناس القـراب ** الصاحـب اللـي ماكسبـت محبتـه ماتخسـره

سلامتكم


اخوكم:زعيم النت

زعيم النت

أسعدالله مسائك

العيد عليك مبارك أنشاء الله

تسلم على القصيدة

صح الله لسانك ولسان شاعرها

وننتظر المزيد من جديدك القادم

احترامي وتقديري


الأمير هاجس

ماشاء الله

كلمات جميله ونقل موفق

تحياتي لك