ياطول بالي

.

.

من عادتي لاعكّـر الوقـت جـوّي

أخفي دموعي عن نظر كـل غالـي

ما ابدي تناهيدي ولو شـبّ ضـوّي

وادفن همومي بيـن فكـري وبالـي

وش عاد لو بركان حزنـي يـدوّي

ولاّ يهـد بداخلـي كـل عـالـي

الله بلاني بـ ( العقل ) ويش اسـوّي ؟

دربـي يميـل ولا يميـل اعتدالـي

حيّرت في ممشـاي حيلـة عـدوّي

لين اقتنـع فـي طيبتـي وانثنالـي

وقناعتي في ضعف (حوّاء) تقـوّي

عزيمـةٍ مـن دونهـا راس مالـي

ولا اذكر انّي قلت : ليتـي ولـوّي

وارضى بما يكتب عزيز الجلالـي

هذا وانا فـي سكّـة الحـب تـوّي

بأوّل خطاوي رحلتـي وارتحالـي

من عافته عيني هفـا مـن علـوّي

ومن حبّتة نفسـي سكـن بالعلالـي

وصبّرت قلـبٍ بالغــرام امتكـوّي

وصبّرت صبري لين صبري شكا لي

إيه احترق شمعة لغيـري واضـوّي

لين البياض اخجـل سـواد الليالـي

تحدّنـي دنيـا المتاعـب واطـوّي

صفحاتها وانسى السنيـن الخوالـي

بالي على ميـل الزمـان امتـروّي

يا كثر ميلاتة ويـا طـول بالـي

.

مودتي

يسلم قلبك على الكلمات الجميلة ونتمنى منك المزيد :icon72:

ஜღ.. سوآلف غلآ ..ღஜ

هلآ وغلآ فيكـ ..
تسلم لنــآ يمنــآكـ ..
ع القصيدة الجميلة ..
ربي يع ـــطيكـ ألف ع ـــآفية ..
بإنتظار جديدك القادم ...
لكـ أجمل تح ــــية عطرة ..

ஜღ .. الأميرة شموخ ..ღஜ