عند الكرامه ابيعك وانت خابرني الله وكيلك ترى كل شي مريته

اعجبتني هذه الابيات للشاعر عطا الله فرحان واحببت نقلها لكم علها تحوز على اعجابكم



اتعبني الحلم ليـن الواقـع انكرنـي
كني مسكت الفرج بيـدي وهديتـه
.
مافي داعي على فرقـاك تجبرنـي
حتى الجفا منـك ولعنـي وحبيتـه
.
الجـرح عـدا زمانـه لاتذكرنـي
هـذاك وقـت تعذرتـه وجافيتـه
.
لوشفت دمع القصايد كان تعذرنـي
تصور ان الشعر يضحـك وبكيتـه
.
ماغيرونـي ياكـود الله يغيـرنـي
كم واحد عنـك يبعدنـي ورديتـه
.
وفيت وادري وفايـا مايصغرنـي
صوبت يم الهدف لاكنـي اخطيتـه
.
من طار سرب الغلا والشوق طيرني
شف ماعلى الارض واحد ماتعديتـه
.
خذني على صدرك الدافي وسيرنـي
بعض الولع ياخذ الرجال من بيتـه
.
ابنشغـل فـي عيونـك لاتدورنـي
ودي بشـي اشوفـه مابعـد جيتـه
.
خليت قلبـي معـك والله يصبرنـي
مبطي وانا اقول قلبي ويـن خليتـه
.
اشتقت لك مابقيتك عـاد تشكرنـي
تغيب والشوق ماعمـري تباطيتـه
.
ماخذ على خاطري والبعد قاهرنـي
مدري شسوي وانا كل شي سويتـه
.
العام يوم الوعد تسبـق وتنطرنـي
مستغرب شلون هالموعـد تناسيتـه
.
وين انت رايح ولا كنـك معبرنـي
ماكني الـي علـى العالـم تمنيتـه
.
لاصار هذه علومك راح تخسرنـي
ماعمر احد راح من كيفـه وناديتـه
.
عند الكرامه ابيعك وانـت خابرنـي
الله وكيلك ترى كـل شـي مريتـه
.
وكانه هجر بالسلامه روح واهجرني
اخـوي لاصـد عنـي ماترجيتـه

عند الكرامه ابيعك وانـت خابرنـي
الله وكيلك ترى كـل شـي مريتـه
.
وكانه هجر بالسلامه روح واهجرني
اخـوي لاصـد عنـي ماترجيتـه


ساهر

كلمات رائعه

صح لسان الشاعر وتسلم ايد الناقل

الف شكر لك

بنتظار جديدك القادم


تحيتي

خذني على صدرك الدافي وسيرنـي
بعض الولع ياخذ الرجال من بيتـه
.
ابنشغـل فـي عيونـك لاتدورنـي
ودي بشـي اشوفـه مابعـد جيتـه
.
خليت قلبـي معـك والله يصبرنـي
مبطي وانا اقول قلبي ويـن خليتـه

روووووووووووووووووعة يعطيك العافية

ماغيرونـي ياكـود الله يغيـرنـي
كم واحد عنـك يبعدنـي ورديتـه
.
وفيت وادري وفايـا مايصغرنـي
صوبت يم الهدف لاكنـي اخطيتـه
......
سلمت يداك
وهادول البيتين اكتر بيتين عجبوني
والابيات كتير حلوه

هلا اختي رزان

الله يسلمك من كل شر

ومشكورة على مرورك الكريم


تقبلي تحيتي