مليت ورب البيت ياليل مليت

يالـيـل مـااذكـر فــي حيـاتـي تمـنـيـت
مثـل ابتسامـه تنتشـل قـلـب منـصـاب


ملـيـت ورب الـبـيـت يالـلـيـل مـلـيـت
من الجروح اللـى تجينـي بـلا اسبـاب


تدري ياليل انـي علـى الجـرح غنيـت
غنيت دمعـه والصـدى ضـم الاهـداب


تـبـي الحقيـقـه والصـراحـه ترجـيـت
فـرحـه ولـكـن الـزمـن بالعـطـا خــاب


يالـيـل قـلـي بدنيـتـي ويــش سـويـت
حتـى الهمـوم بداخلـي تفـتـح ابــواب


إن كان طيبي عيب ومشكلتـي اوفيـت
امــوت صــادق وارفـض اعــيـش كـذاب


طبـعـي كــذا عــن ميـزتـي ماتخـلـيـت
عــندي مبـادي دونهـا ترخـص ارقـاب


بـيـنـي وبـيـنــك يـاكـثــر ماتـعـنـيـت
اركــض بغـرفـه مغــلـقـه مالـهـا بــاب


غرفـه وراهـا فرحـتـي دونـهـا جـيـت
اركانـهـا عـتـمـه ولا حـولـي احـبــاب


كــاس الـفـراق الـمـر مـنـه تـقـهـويـت
انـا اشهـد إن الشـوق يالـيـل غـــلاب


يالـيـل انــا لاشـفـت ماعـفـت قـفـيـت
اقفـي ولـو خلفـي كثيريـن الاصحـاب


الا جـروحـي كــل مـارحــت وقـفـيـت
جتنـي تحـمـل صـدتـي لــوم وعـتـاب


مـاذكـر ولــو مــره بحيـاتـي تهنـيـت
اضحك كذا والصدق عن شفتي غــاب


صارت دموعي ضيف وعـيـوني البيت
ودايـم تشـوف مـن المناديـل تـرحـاب


لاشفت شمـس الصبـح ليـديـك حـنـيـت
فـي داخلـك حبـر القلـم بالشـقـى ذاب


اسريـك بالحـالـي واذا رحــت ونــيـت
مابـي تـروح ودمعتـي بيـن الاهــداب


يـالـيـل قـــل للـصـبـح انـــي تمـنـيـت
بـس ابتسامـه تنتشـل قـلــب منـصـاب

منقوووووووووووول لعيووونكم

ஜღ ][ غرااااام ][ ღஜ


أسعدالله مسائك

تسلمين على القصيدة صح الله لسانك ولسان شاعرها

وننتظر المزيد من جديدك القادم

احترامي وتقديري


ஜღ ][ الأمير هاجس ][ ღஜ

مشكوووووور على المرور نورت الصفحة