مثل منتي كسرتيني " كسرت لـك أول ابياتـي "

ويبقى قلبي العاشق قصيـده عجزهـا مكسـور
مثل منتي كسرتيني " كسرت لـك أول ابياتـي "
تهني وافرحي دامك كشفتي الخافـي المستـور
وازيدك بيت من شعري تراهـن كثـر غلطاتـي
لقيت بهذي احلامي وهذي فـي دفاهـا شعـور
وهذي تشبـه لأمـي وهـذي تسعـد اوقاتـي
وانتي!! للأسف انتي !! تفننتـي بلعـب الـدور
حسبتـك بينهـم رحمـه واثاريكـي معاناتـي
اصفق لك على دورك جعلتيني كمـا المسحـور
اصدق كـل مـا قلتـي كأنـك ساكنـه بذاتـي
فرشتي لي الفضى جنه من احلام وأمل وزهـور
وصحيت من الحلم اسمـع محاكاتـك خيالاتـي
خذيتينـي مـن الواقـع لعالـم يشبـه البلـور
اطالع وجهي واتعجب!! وش اللي زاد دمعاتـي؟
معك شفت الفرح غايب وصمتي واقف ومقهـور
وضحكي من ورى قلبي يعاتب لـي ابتساماتـي
معك ليل العنى طوّل يمر كنـه سنـه وشهـور
شكيـت ومـا لقيـت الا مـن تعـدد خطيئاتـي
معك حتى العشق شفته يجي من حضرتك مجبور
دخيل اللي خلق عشقك وش اللي غيرك هاتـي؟
تحكي قولي وش عندك قبل يطلع علينـا النـور
اخبرك تعشقي الظلمـه مثـل عشقـك لزلاتـي
فقدتك برري غدرك لشاعر كـل حروفـه تثـور
فقدتك حرري لسانـك احسـه يجـرح لهاتـي
تبلّـي واحرقـي دمـي وخليهـا شهـادة زور
تبليتوا على (...)!! وبعـده وش لـه نحاتـي!!
يا نون النسوه وش باقي! غديت الفاعل المجرور
وانا اللي ضمتك روحـي وأشعـاري وكتاباتـي
يا نون النسوه ما يسوى تردين الغلا بمشكـور
لعلمك ما انتظرت الرد وانـا ارسمـك لوحاتـي
عطيتك كل تفاصيلـي عطيتينـي هبـا منثـور
مشيت الموت من اجلك واجلك يمحي خطواتـي
شريتك والثمن جرحي وقلتي ما عليك قصـور!!
متى التقصير عنواني وانا الخادم يا مولاتـي!!!!
انا اللي سلمك نفسه طبق كادي طبـق كافـور
وكسرتيهم بنكرانـك مداخـن مـن عطوراتـي
وانا اللي ربتك يدي على الطيب وعلى المأثـور
وصفعتيني على وجهي ! وضيعتـي اتجاهاتـي
وانا اللي لا تنحنحتـي جلسـت باخـر الطابـور
على بالـي تضايقتـي واقـوم ابعـد مسافاتـي
وانا اللي سقت لك شاعر يسمى الشاعر المغرور
وخليته يبـوس ايـدك! ويرسـل لـك تحياتـي
وانا اللي ما يبي منك بعد هذا نصـح او شـور
لأنـي راحـل لعالـم منـى عينـه مخاواتـي
فمـان الله وداعيـه انـا راحـل لبـو هامـور
هناك المثوى والملجي وراحـة عمـري الأتـي
هناك اللي تزورينـه بـلا احـم وبـلا دستـور
وهو عاجز يرددها " وش اللي غيـرك هاتـي "
ويبقى قلبـي العاشـق قصيـده كلهـا مقبـور
مثل منتي قبرتينـي ابـي اقبـر لـك ابياتـي!


منقول

يسلمووووووووووو ع الموضوع يا الغلا
وصح السان شاعرها وسلمت يدا ناقلها
وتقبل مروري ياالغالي

ماشاء الله

كلمات جميله ونقل موفق

تحياتي لك

كلمات في قمة الررررروعه
سلمت يمينك على هالنقل الراااائع
يعطيك الف عافيه
تحيتي لك
لكوووووعه

الله يعطيك العافيه
على الكلمات الجميله
تحياتى لك