غبي ...ينام في ؟؟؟؟؟ قصة تجنن

قريت هذي القصة من منتدى وعجبتني وحبيت انقلها لكم...

كان في شخص غبي جداً جداً جداً.كان ساكن مع أبوة وأمة وأخوانة الصغار والمصيبة انه اكبر اخوانه يعني خلف أبوة .والله امحق من خلف.
الغبي هذا عمره تقريباً 28 سنه عاطل تخرج من الثانوية بعد خمس سنوات وبالدف بعد ما طفش منه المدرسين والمدير حتى الفراش طفش من شوفته كل يوم.
وكان يوم التخرج يوم السعد والسعادة والوناسة للمدير والمدرسين وبذات الفراش لأنه ما ارتاح من ذا الغبي والله ما أقدر أوصف فرحة الفراش....... المهم تخرج ذا الغبي بدور ثاني وبنسبة الله لا يوريكم خلوها مستوره بس......اللهم لا شماته.
الغبي يبي يروح يقدم على وظيفة مع انه ما في أمل فرحوا الجيران وعيال حيه .لكن ما قبل في أي مكان......
حزنت أمه المسكينة وجيرانه وبصراحة جيرانة يبون الفكه منه لأنه ما خلى عيالهم الصغار في حالهم ...... لا تفهموني غلط..... ما يخليهم يتهنون في شيء ابد. لا لعب يخليهم يلعبون ولاشيء يعني قاط وجهه عليهم نسأل الله السلامة ..
المهم ابوه غاسل يده منه سبع مرات بالبنزين ومره بالتراب .... الله يعزكم .
مره ارسلت الام ولدها الدلخ يجيب اغراض من السوق بصل ومعجون طماطم وغيرها تعرفون الام ناويه تطبخ الغداء وما لقت احد غير الفاغر ولدها المهم ارسلته .
الولد تأخر على امه ساعة ..ساعتين جت الساعه ثلاث الظهر خافت الام على ولدها طبعا الولد طالع من الساعه عشرة الصباح الام قالت اكيد صار عليه شيء المسكينة صارت تهوجس ..... كلمت ابو الولد وقالت له السالفه.
ابو الولد ما عطى الموضوع اهتمام .قال :يمكن راح يلعب في مكان او انه شاف بزارين يلعبون كورة ولعب معهم المهم الام صدقت كلام الاب .
جت الساعة عشرة بالليل وما جاء اللطخ .. الام ما ارتاحت شوي وتنجن تعرفون ان الام قلبها رهيف وحنين ... راحت عند ابو اللطخ ولزمت عليه يروح يدور عليه .... والله وراح الاب يدور على ولده الدلخ في كل مكان والله ما لقاه؟؟ راح وسأل راعي البقالة قال راعي البقالة والله ما جاني ولا شفته ...سألوا أولاد الجيران قالوا والله ما شفناه ابداً.؟.. راح الاب وبلغ الشرطة وراحت الدوريات تدور عليه في كل مكان في المستشفيات في الأسواق في الحدايق المهم ما لقواله اثر . طفش ابو الولد وراح البيت تعبااااااااااااااااااااان وقلقاااااااااااان وحالته صعبه لدرجه ما تتصورونها جت الام المسكينة ملهوفه قالت يمكن انهم لقوه لكن انصدمت يوم قال الاب لها انهم ما لقوه .. المهم المسكينه قالت يمكن انه مات اوصار له شيء .الاب قام يهدي في ام الولد ولحس مخها بكم كلمه حتى انه اقنعها انه يمكن عند واحد من زملاه ... المهم قال لها زوجها روحي نامي والصباح رباح .والدوريات راحت تدور عليه الحين الخ..........
راحوا وناموا كلهم ويوم اصبح الصباح قاموا اخوانه الصغار وراح واحد منهم الحمام وانتم بكرامة......يغسل وجهه يوم دخل لقى اخوه الدلخ نايم في الحمام في(البانيو) راح اخوه الصغير يصيح ....يمه,يمه,يمه لقيت اخوي في الحمام قامت الام وراحت الحمام لقت الفاغر ولدها في سابع نومه راحت وصحت ابو الولد جاء الاب عند ولده وصحاه من نومه قام الدلخ من النوم زعلاااااااااااااااااااااااااان يقول ليش صحيتوني من النوم...المهم ..
سأله ابوه وين رحت وليش تأخرت؟؟؟؟؟؟ قال الدلخ:ارسلتني امي السوق ويوم قطعت نص المسافة حسيت اني حشران ...فكرت قلت خلني ارجع البيت اقضي حاجتي وبعدين اروح السوق... المهم رجعت البيت ودخلت الحمام (وانتم بكرامة) شفت اني بطول في الحمام حسيت بالنوم وكل شوي انعس ......قلت يا ولد خلني اقضي حاجتي وبعدين اروح انام لي شوي وبعدين اروح السوق اجيب الاغراض ..
قال ابوه ليش ما نمت في غرفتك ؟؟؟؟ قال اللطخ: شفت نفسي كسلان قلت يا ولد خلني انام في البانيو احسن واقرب ....من غرفتي .
الاب المسكين ارتفع الضغط عليه مليون وطاح على الارض مغما عليه فاغرااااااااااااااااا....
الدلخ يوم شاف ابوه طايح في الحمام قام الاخ مسوي بيساعد ابوه قام وشال ابوه وحطه في البانيو ونقز وجاب بطانيه على شان يلحف ابوه وطلّع امه واخوانه وقال لحد يدخل على ابوي . استغربت الام .وقالت له ليش ؟؟؟؟؟
قال الفاغر : شكله مواصل ما رقد الضعيف خلوه يجرب نومت الحمام والله ما في احسن منها ... لذلك نسأل الله العلي القدير ان يشفي هذا الفاااااغر
والله مجيب الدعاء انه على كل شي قدير.
النهـــــــــــــــــــايـــــــــــــــــة ... منقول

هههههههههههههههههههههههههههههههههههه

هههههههههههههههههههههههههههههههههههه

مشكووووووووووووووورة اختي دلوعة ابوها

والله ضحكني هذا الغبي

والله لايبلانا

اقتباس المشاركة الأصلية كتبت بواسطة ام العيال هههههههههههههههههههههههههههههههههههه هههههههههههههههههههههههههههههههههههه مشكووووووووووووووورة اختي دلوعة ابوها والله ضحكني هذا الغبي والله لايبلانا

يسلمووو حبيبتي ام لعيال عالمرور والمشاركة

ههههههههههههههههههههههههههه


ما اظني في أحد أغبى منه


يسلموا 000 دلوعة ابوها

تقبلي تحياتي وشكري

اقتباس المشاركة الأصلية كتبت بواسطة شمس ههههههههههههههههههههههههههه ما اظني في أحد أغبى منه يسلموا 000 دلوعة ابوها تقبلي تحياتي وشكري

يسلمووو شموسه حبيبتي عالمشاركة

والله يعطيك العافية