الأمير الشاعر المرحوم طلال الرشيد

حبيت انزل لكم مجموعه من قصايد للشاعر المرحوم طلال الرشيد

[بعض الأحوال::
[أنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي
تخيرت الفراق و مادريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منك دمع في عيوني مارضى ذلي
رحلت انت و تركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي
أحبك كل مافيني يحبك يا خلي البال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس و اهلّي
لا من غديتي لي::
حبيبتي لامن غديتي لي سراج اتبعه
وكني غديت من الظمى اركض ويطردني السراب
لا تبخلين الى شربتك ما شربتك من سعه
دامي من جروح الهمود الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مرة صوتك ماسمعه
اليوم ماكني فقدتك من سؤالين وجواب
يابنت في خدك وهج سيل الشموس الساطعه
احرق بداخل داخلي انسان ماهو لتراب
والي خلق ظلم الليالي في العيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب
يا بنت لي قصه تطول بكلمتين موجعه
هي باختصار اني انا اركض ويطردني السراب
::احساسي.. طير:

الليله احساسي غريب
عاشق وانا مالي حبيب
حبيت ... كل الناس لاموني
حبيت ... كل احبابي باعوني
قلت احب الحب احسن
قلت احب الحب اضمن
لا احن .. ولا اتوه
ولا بعد في يوم احزن
رضيت باقداري ونصيبي
صرت محبوب الحبايب
وصار كل عاشق حبيبي
الليله غير
شعوري غير
اشواقي غير
حتى الاغاني غير
صدري سما .. واحساسي ... طير
بس طيفك ماتركني
ظل ساكن تحت جفني
كان وافي
كان يذكر .. وانت جافي
انت وينك ؟
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى
:لحن بدو:
حنا ولا من قلت حنا تحنا
كل الكلام بعطر تاريخ الاجداد
المجد هم وهام فينا وغنا
حتى علينا من على روس الاشهاد
يا كبر حظ الي نخانا و ثنا
نشد له فوق الفخر سرج وشداد
ان هلل التاريخ غطرف وطنا
وان سولفو عنا رجاجيل واجواد
وان بان لك شمس ترى ذيك حنا
نشرق مدام الظلم ظلما وحساد
يا بنت يمي كان رمشك تمنا
اشق لك ثوب السماء جود وعناد
واشدلك زمل جفن المعنا
واسري بوجهك لاغشى وجهي سهاد
يا حلو قدك يوم قدك تفنا
محدا تغنى فيك من خوف الالحاد
حنا البدو يابنت هذا لحنا
نحب اكثر لاغدى حبك جهاد
وحنا البدو يا بنت لامن نخنا
بناتنا يثالث العيد الاعياد
وحنا البدو يابنت وان قلت حنا
فاح الكلام بعطر تاريخ الاجداد
::مكانك.. مكانك::

أموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك.. لا مني نسيت إني نسيتك
رضيت أنا بالهم لرضاك مرضاك
وارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجــــيــــني لين أقول إنـــي إيـاك
و مر تروح بعــــيـــــد و انسى أوانك
أقبل و تقفي .. و اعتذر عن خطاياك
وأقول ما عييت .. عيا زمانك
وإن خانتك دنياك .. أو خنت دنياك
إرجع و تلقابي .. مكانك.. مكانك
[::عيون الصغار::
وجهك غضب .. وجهك عروس
تشبه لك الشمس الشموس
و مـا لـمـحــتــك
سـلام يـا أحلـى الأنـام
دربـي مثل عينك ظـلام
يضوي مدى .. يحرق نفـوس
تشبه لك أسراب الحمام
و مـا وصـلـتــك
يا صوتها الرايح وجاي
مابين أشواقي وشقاي
تشبه لك الونّه و ناي
و مـا سـمـعـتــك
حبيبتـي والبـوح نـار
إنتـي أنا بكل إخـتصار
تشبه لك عيون الصغار
و مـا عـشـقـتــك
يا مهرتي البيضا الأصيل
تلعب و انا صـبٍّ نحيل
تشبهك غابات النخيل
و مـا سـكـنـتـك
يا غـاية الحلـم المحال
مثلك أنا حلمي الوصال
يشبهك في الشاعر خيال
[/ان حكت::
ان حــكت غــار السكوت من الحكي
وان بــكـت يـحسـد مدامعها الغرور
كــنها والشمس خــصم ومشتــكي
وبــين ذيــك وذيــك عذبت السطور
الثـرى يـا مـايـسـه مغــروركي
ومــن يــلومه ما يعرف سر الغرور
والجــمــال امــرايته فـــي وجـهكي
والبــها لـه فـــي جـفن عينك فتور
الحـلا يـا حــلوتي شـــبّه بـكي
مــنهكٍ حـرفي ويشـكي به قصور
والحــروف اتـهني احروف اسمكي
والاريــــج اختال في عرس العطور
يا غــريره ياغــرورى مســـلكي
تـهت والا تـاه عـن كــفي العثور
فـــي طريقي ضاعت الخطوه لكي
ماتـمـيز بيـن نـار وبــين نـور

ابراهيم اليامي

تسلم أيدك على مجموعه القصائد

الشاعر المرحوم طلال الرشيد

وعلى مشاركاتك

بـ منتدى الشعر وهمس القوافي

بأنتظار جديدك القادم

الأمـير هاجـس

يعطيك العافيه ع الكلمات


تقبل مروري


دمت بحفظ الكريم

مشاء الله

مجموعه جميله

تحياتي