قصيدة شاب في أمه

قصيدة كتبها شاب صار له حادث سيارة ووالدته كانت معه وكان مسرعا
نتيجة هذا الحادث والدته توفيت نتيجة الإصابات الخطيرة وهو إصابته كانت خفيفة
وهذي الأبيات قالها للذين يواسونه


يواسيني وانا الميت وحالي يجبـر الدمعـات
تسيل من الذي فيني ويبكـي وهـو يواسينـي

وانا ابكي واتنهد وارسـم بالحـزن لوحـات
يجبروني عشان امشي ورجلي مـا تمشينـي

قتلت رعايتي بيدي قتلت الحـب والرحمـات
حرمت النفس من حقها وانا ابكيهـا وتبكينـي


وكنه حلم قدامـي يقيدنـي مـن الصرخـات
ابي اصحى ولكني عجزت القى الي يصحيني

فداك القلب يايمه ومهمـا قلـت مـن كلمـات
صغيره في كبر حقك بـس اتمنـى تعذرينـي

نهبت الفرح من بيتي صحيح اني خسيس الذات
صحيح اني ولد طايش وكل ما أسمعـه فينـي

تجول عيونهم فينـي تفصـل منـي قياسـات
وتشيح وجوههم عني وكنـي غيـرت دينـي

يظنوا حزنهم اكبر وهم اصحـاب هالمأسـات
وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشـوة اللـذات
وصـار الهـم عكـازي اباكيـه ويباكيـنـي


عطيتيني بدون حساب ولا سمعتك تقولي هات
وانا اشرب حيل من دمك ودمك مـا يكفينـي

يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي

يايمه ما تحملهم يقولوا فـات مـا قـد مـات
تعالي غيري هالقول واطيعـك باقـي سنينـي

واترك عادة التدخين وانفذ مـا تبـي بسكـات
واصلي الفجر في المسجد قبل منتي تصحيني

يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي

وضميني وداويني مثل مـا كانـت الهقـوات
ما ابي احدن يواسيني ابيـك انتـي تواسينـي

دخيلك بس لا تبكي اذا شفتي بـي الدمعـات
انـا مقـوى ابكـيـك اذا انـتـي تبكيـنـي



الله يرحم امه و أمهات المسلمين وانشاء الله ربي يغفرله

العَيْـشُ مَاضٍ فَأَكْـرِمْ وَالِدَيْـكَ بِـهِ
والأُمُّ أَوْلَـى بِـإِكْـرَامٍ وَإِحْـسَـانِ
وَحَسْبُهَا الحَمْـلُ وَالإِرْضَـاعُ تُدْمِنُـهُ
أَمْـرَانِ بِالفَضْـلِ نَـالاَ كُلَّ إِنْسَـانِ
( أبوالعلاء المعري )

كلمات وأبيات رائعة ...

وحزينةفي حق الام

صح لسانك ...

ولسان قائلها

وسلمت يداك ...

دفــــ القلوب ـــا


واتمنى ان لا تحرمنا من كل جديدك ...

عطيتيني بدون حساب ولا سمعتك تقولي هات
وانا اشرب حـيل من دمك ودمـك مـا يكفينـي

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عينـي

يايمه ما تحملهم يقولوا فـات مـا قـد مـات
تعالي غيري هالقول واطيعك باقي سنيني


دفــ القلوب ــا

تسلمين على القصة والقصيدة الروعـه

وأشكرك على مجهودك الغاليه

الله لايحرمنا منك

تحياتي لكِ بالتوفيق

الأمير هاجس

حــبيبتي:

الجـــــوهره

أشكرج يا غاليه على المرور الحلو

ومــشتاقين لج..

فعسانا ما ننحــرم منج

تحياتي لج